বিশ্বনাথৰ ভগ্ন মথাউৰি পৰিভ্ৰমণ কৰি উপায়ুক্তক সমস্যা সমাধানৰ আহ্বান জিলা ছাত্ৰ সন্থাৰ
ক’ৰ’না মহামাৰীৰ ভয়াৱহ সংক্ৰমণৰ মাজতে অসমৰ প্ৰায়বোৰ অঞ্চলৰ লগতে বিশ্বনাথ জিলাৰো বহু অঞ্চল বানৰ কৱলত পৰাত ৰাইজে এচিআ জীয়াতু ভুগিব লগা হৈছে।
কুমলীয়া গাঁও পঞ্চায়তৰ অন্তৰ্গত ৫ নং কুমলীয়া গাঁৱত ব্ৰহ্মপুত্ৰৰ বাঢ়নি পানীয়ে মথাউৰি চিঙাৰ ফলত উক্ত অঞ্চল বানপানীৰ কবলত পৰাত বহু পৰিয়ালৰ ঘৰ-দুৱাৰ ক্ষতিগ্ৰস্ত হয়।
আজি সদৌ অসম ছাত্ৰ সন্থাৰ সহকাৰী সাধাৰণ সম্পাদক দুলদুল বৰকটকীৰ নেতৃত্বত যোৱা বিশ্বনাথ জিলা ছাত্র সন্থা, বিশ্বনাথ মহকুমা ছাত্র সন্থা আৰু বিশ্বনাথ চাৰিআলি আঞ্চলিক ছাত্র সন্থাৰ এটি সজাতি দলে বান বিধ্বস্ত অঞ্চল সমূহ পৰিভ্ৰমণ কৰে।
বান বিধ্বস্ত ৰাইজৰ লগতে ভগ্নাংশ মথাউৰীৰ পৰিভ্ৰমণ কৰি উক্ত অঞ্চলৰ ৰাইজে যাতে অনতিবিলম্বে চৰকাৰী সুবিধা লাভ কৰে তাৰ বাবে বিশ্বনাথ জিলাৰ উপায়ুক্তক সাক্ষাৎ কৰি সমস্যা সমূহ সমাধান কৰাৰ বাবে আহ্বান জনায়।
সজাতি দলটিত বিশ্বনাথ জিলা ছাত্ৰ সন্থাৰ সভাপতি বিক্ৰম বিকাশ বৰা, উপ-সভাপতি মঃ আজমত শ্বেখ, বিশ্বনাথ মহকুমা ছাত্ৰ সন্থাৰ ভাৰপ্ৰাপ্ত সাধাৰণ সম্পাদক ভাস্কৰ চমুৱা, বিশ্বনাথ চাৰিআলি আঞ্চলিক ছাত্ৰ সন্থাৰ ভাৰপ্ৰাপ্ত সভাপতি সুৰজ ভূঞা, ভাৰপ্ৰাপ্ত সাধাৰণ সম্পাদক লক্ষ্যজিৎ শইকীয়া, বিশ্বনাথ মহাবিদ্যালয় ছাত্র একতা সভাৰ সভাপতি প্ৰজ্ঞান শইকীয়াৰ লগতে বিশ্বনাথ চাৰিআলি আঞ্চলিক ছাত্র সন্থাৰ বিষয়-ববীয় সকল উপস্থিত থাকে।
বান বিধ্বস্ত ৰাইজ তথা ভগ্ন মাথাউৰি পৰিভ্ৰমণ কৰাত সহযোগ কৰা শুভাকাঙ্ক্ষী সকলক আন্তৰিক ধন্যবাদ জ্ঞাপন কৰিছে সদৌ বিশ্বনাথ জিলা ছাত্ৰ সন্থাই।