বিজেপি নেতাক অজ্ঞাত আততায়ীৰ গুলীয়াই হত্যা; পুত্ৰকো ছুৰীৰে আক্ৰমণ

দেশৰ ৰাজধানীত সংঘটিত হৈছে এই ঘটনা। দিল্লীৰ নন্দ নগৰী অঞ্চলৰ সুন্দৰ নগৰীত ভাৰতীয় জনতা পাৰ্টিৰ নেতা তথা আৰটিআই কৰ্মী জুলফিকৰ কুৰেশীক অজ্ঞাত আতততায়ীয়ে গুলীয়াই হত্যা কৰে।

বিজেপি নেতা জুলফিকৰে সোমবাৰে পুৱা নামাজ পঢ়িবলৈ মছজিদলৈ গৈ আছিল।

অজ্ঞাত আততায়ীয়ে মছজিদৰ বাহিৰত জুলফিকৰক গুলীয়ায়। তদুপৰি, আততায়ীয়ে জুলফিকৰ কুৰেশীৰ পুত্ৰকো ছুৰীৰে আক্ৰমণ কৰে।

দিল্লী আৰক্ষীয়ে বিজেপি নেতা জুলফিকৰ কুৰেশীৰ পুত্ৰক স্বামী দয়ানন্দ হাস্পাতলত ভৰ্তি কৰিছে। বৰ্তমান তেওঁৰ অৱস্থাও সংকটজনক বুলি কোৱা হৈছে।

আৰক্ষীয়ে ঘটনাৰ তদন্ত আৰম্ভ কৰিছে। বিজেপি নেতাগৰাকীৰ মৃতদেহ মৰণোত্তৰ পৰীক্ষাৰ বাব প্ৰেৰণ কৰি পৰিয়ালৰ সদস্যসকলক সোধপোছ কৰি থকা হৈছে।

আৰক্ষীয়ে অৱশ্যে এতিয়ালৈ আনুষ্ঠানিক কোনো বক্তব্য দাঙি ধৰা নাই।