জাগীৰোডৰ ঝাৰগাঁও বজাৰত বিস্ফোৰণ : দুজন লোক আহত

জাগীৰোডৰ ঝাৰগাঁও বজাৰত আজি সন্ধিয়াৰ ভাগত এক গ্ৰেনেড বিস্ফোৰণৰ ঘটনা সংঘটিত হৈছে। এই বিস্ফোৰণত দুজন লোক আহত হোৱাৰ হয়।

গ্ৰেনেড বিস্ফোৰণৰ ফলত সুশীল সৰকাৰ আৰু সাগৰ মণ্ডল নামৰ দুজন লোক আহত হৈছে।

জানিব পৰা মতে, সুশীল সৰকাৰ নামৰ লোকজনৰ খৰিৰ দোকানত এই গ্ৰেনেড বিস্ফোৰণৰ ঘটনাটো সংঘটিত হৈছে। বিস্ফোৰণত আহত দুয়োজনকে গুৱাহাটী মেডিকেল কলেজ হাস্পতাললৈ প্ৰেৰণ কৰা হৈছে।

ইতিমধ্যে মৰিগাঁৱৰ আৰক্ষী অধীক্ষক স্বপ্ননীল ডেকা ঘটনাস্থলীত উপস্থিত হৈ ঘটনাৰ বুজ লয়। আৰক্ষী অধীক্ষকগৰাকীয়ে বিস্ফোৰণ হোৱা গ্ৰেনেডটোক ষ্টান্ট গ্ৰেনেড বুলি প্ৰকাশ কৰিছে।

জানিব পৰা মতে, শুকুৰবাৰে অৰবিন্দ কুমাৰ নামৰ বি এছএফৰ জোৱান জনে এই ষ্টান্ট গ্ৰেণেডটো হেৰুৱাইছিল।

বিস্ফোৰণটো সংঘটিত হোৱাৰ পাছতে অঞ্চলটোত হুৱাদুৱা লাগে আৰু তাৰ আশে পাশে থকা লোকসকল আতংকিত হৈ পৰে।