মহাপ্ৰলয়ৰ আগজাননী! হঠাতে তেজৰ দৰে ৰঙা হৈ পৰিল আকাশ, ক’ত? চাওঁক ভিডিঅ’

যেন কোনো হলীউডৰ চিনেমাৰ দৃশ্য। হঠাতে তেজৰ দৰে ৰঙা হৈ পৰিল আকাশ। আকাশৰ এই ৰং দেখি আতংকিত হৈ পৰিছে জনতা। বহু লোকেই সন্দেহ কৰিছে এয়া কেনেবাকৈ মহাপ্ৰলয়ৰ আগজাননী নহয়তো?

এই ঘটনা ঘটিছে চীনৰ ঝৌশান চহৰত। চীনা বন্দৰ চহৰখনৰ অপাৰ্থিৱ আকাশৰ ছবি ইতিমধ্যে ইন্টাৰনেটত ভাইৰেল হৈ পৰিছে।

আকাশৰ তেজৰঙা ৰং দেখি স্থানীয় বাসিন্দাৰ মাজত ভয়ৰ পৰিৱেশৰ সৃষ্টি হৈছে। আকাশখন তেজৰ দৰে ৰঙা হোৱা দেখি মানুহৰ বিভিন্ন অনুমানো প্ৰকাশ পাইছে। কিছুমানে বিশ্বাস কৰিছে যে এয়া মহাপ্ৰলয়ৰ আগজাননী আৰু কিছুমানৰ ধাৰণা কৰ’নাই ধ্বংস দেখুৱাবলৈ গৈ আছে।

কিন্তু সত্যটো কি? ঝৌশান চহৰৰ বতৰ বিজ্ঞানীসকলে এই অনুমানবোৰৰ ওপৰত প্ৰতিক্ৰিয়া ব্যক্ত কৰি কয় যে ঘটনাটোত অতি প্ৰাকৃতিক একো নাই। তেওঁলোকে কৈছে যে কুঁৱলী বহুত বেছি আছিল আৰু ডাৱৰবোৰ কম উচ্চতাত আছিল। এইটো পোহৰৰ প্ৰতিসৰণৰ ফলত হোৱা এটা ঘটনা।

বিজ্ঞানীসকলে দাবী কৰিছে যে ইয়াৰ আঁৰত আছে মাছমৰীয়াসকলৰ নাঁৱৰ পৰা প্ৰতিফলিত হোৱা ৰঙা লাইটৰ পোহৰ। ৰঙা লাইটৰ পোহৰ কম উচ্চতাত থকা ডাৱৰ আৰু ঘন কুঁৱলীত প্ৰতিসৰিত হৈ আকাশখন ৰঙাচুৱা হৈ পৰিছিল।

কিছুমানে এই কথা বিশ্বাস কৰিছে যদিও বহুলোকে কৰা নাই। কাৰণ তেওঁলোকে যুক্তি দিছে যে আগতেও মাছ ধৰা হয়, আগতেও কুঁৱলী পৰে কিন্তু সেইদিনাহে কিয় এনে ঘটনা ঘটিল! বহুতে বিশ্বাস কৰিছে এয়া নিশ্চয়কৈ প্ৰকৃতিৰ এক লীলাৰ বাহিৰে একো নহয়।