আজি বডৌফা উপেন্দ্ৰ নাথ ব্ৰহ্মৰ ৬৫ সংখ্যক জন্ম জয়ন্তী : কোকৰঝাৰত জন্ম তিথি উদযাপন
আজি বড়ো জাতিৰ পিতা বডৌফা উপেন্দ্ৰ নাথ ব্ৰহ্মৰ ৬৫ সংখ্যক জন্ম বাৰ্ষিকী। বড়ো জাতিৰ পিতাগৰাকীৰ জন্ম বাৰ্ষিকী আজি গাম্ভীৰ্যপূৰ্ণ পৰিবেশত কোকৰাঝাৰ জিলাৰ দোতোমাৰ থুলুঙগাফুৰিষ্টিত সমাধিক্ষেত্ৰত পালন কৰা হয়।
ৰাতিপুৱা নিখিল বড়ো ছাত্ৰ সন্থাৰ উদ্ধোগত আয়োজন কৰা এই উদ্যাপনত বিটিচি মুখ্য কাৰ্যবাহী প্ৰমোদ বড়ো, এবছুৰ সভাপতি দ্বীপেন বড়ো, লগতে বহু নেতাই শ্ৰদ্ধাঞ্জলি জনাই বডৌফা উপেন্দ্ৰ নাথ ব্ৰহ্মক |
বড়ো জাতিৰ পিতৃ হিচাবে মানিলোৱা বডোফা উপেন্দ্ৰ নাথ ব্ৰহ্মৰ এই জন্মতিথিক বড়ো ছাত্ৰ সন্থাই ছাত্ৰ দিৱস হিচাবে পালন কৰি আহিছে।
ইয়াৰ বাবে অজিৰ দিনটোক বিটিআৰত চৰকাৰী বন্ধ হিচাবে ঘোষণা কৰা হৈছে বুলি মন্ত্যৱ কৰে বিটিআৰৰ মুখ্য কাৰ্যবাহী প্ৰমোদ বড়োৱে।
উল্লেখযোগ্য যে, বড়োসকলৰ বাবে অহৰহ সংগ্ৰাম কৰা বডৌফা উপেন্দ্ৰ নাথ ব্ৰহ্মই ১৯৬৫ চনৰ ৩১ মাৰ্চত জন্মগ্ৰহণ কৰি ১৯৯০ চনৰ ১ মে’ত পৰলোকগামী হয়।
এবছুৰ সভাপতি হৈ থকা সময়ত উপেন্দ্ৰ নাথ ব্ৰহ্মই বড়োসকলৰ অধিকাৰৰ বাবে আন্দোলন ঘোষণা কৰাৰ লগতে সুকীয়া ৰাজ্যৰ দাবী কাৰ্যকৰীকৰণৰ বাবে সংগ্ৰাম চলাই গৈছিল।