বোকাখাত আৰক্ষীৰ অভিযানত ড্ৰাগছ সহ দুজনক আটক

এক গোপন সুত্ৰৰ আধাৰত বোকাখাত আৰক্ষীয়ে চলোৱা এক অভিযানত আজি ডিমাপুৰৰ পৰা নগাওঁলৈ আহি থকা এ এছ ০১ ই এছ ৪৩৮৪ নম্বৰৰ এখন বগা ৰঙৰ হোণ্ডাই ক্ৰেটা গাড়ীৰ পৰা বৃহৎ পৰিমানৰ ড্ৰাগছ জব্দ কৰে।

আৰক্ষীয়ে লগতে ড্ৰাগছ সৰবৰাহত জড়িত দুজন লোকক আটক কৰে ৷ ধৃত লোক দুজন হ’ল চতিয়া থানা এলেকাৰ ইটাখোলাৰ ৰামজাদ আলি আৰু মহৰ আলি ৷

গোপন সুত্ৰৰ আধাৰত বোকাখাত আৰক্ষীয়ে ৩৭ নং ৰাষ্ট্ৰীয় পথত চলোৱা তালাচীত হোণ্ডা ক্ৰেটা  গাড়ীৰখনৰ বনেটৰ তলতে অতি সংগোপনে লুকুৱাই অনা ১২ গ্ৰাম ওজনৰ মুঠ ১৯ পেকেট সন্দেহযুক্ত নিষিদ্ধ ব্ৰাউন চুগাৰ উদ্ধাৰ কৰে ৷

চাবোনৰ কেচত অনা এই ড্ৰাগচৰ পেকেট বোৰ অতি কৌশলেৰে বনেটৰ তলত সুমুৱাই আনিছিল ৰামজাদ আলি আৰু মহৰ আলি নামৰ ব্যক্তি দুজনে ৷

ধৃত লোক দুজনৰ পৰা আৰু অধিক তথ্য উদ্ধাৰৰ বাবে জেৰা আৰম্ভ কৰাৰ লগতে অভিযান অব্যাহত ৰাখিছে আৰক্ষীয়ে।