১৮৩ সংখ্যক Durga Puja 2021 উদযাপনৰ বাবে সাজু হৈছে বকেল

উজনি অসমৰ আটাইতকৈ পুৰণি Durga Puja 2021 বকেলৰ দুৰ্গা পূজাই এইবাৰ ১৮৩ বছৰত ভৰি দিব।

যোৱা বছৰ কৰ’ণা মহামাৰীৰ বাবে বকেলত মূৰ্তি পূজা কৰা হোৱা নাছিল।যোৱা বছৰ বকেলত মূৰ্তি অবিহনে পূজাৰ আয়োজন কৰিছিল। কিন্তু এইবাৰ পূজা সকলো ৰীতি-নীতিৰে আয়োজন কৰা হ’ব।

“আহোম শাসনৰ দিনৰ পৰাই বকেলত দুৰ্গা পূজা পালন কৰা হয়। সেই সময়ত পূজাৰ কাৰ্যসূচীত মানৱ বলি দান কৰা হৈছিল। মা দুৰ্গাৰ আশীৰ্বাদ ল’বলৈ দুৰ্গা পূজাৰ সময়ত সমগ্ৰ অসমৰ পৰা পৰ্যটক বকেললৈ আহিছিল,” বকেল দুৰ্গা পূজা সমিতিৰ সম্পাদক দিনেশ দাসে কয়।

তেওঁ লগতে কয়, “কলকাতাৰ শিল্পীসকল ইয়ালৈ মূৰ্তি টো বনাবলৈ আহে। আমাৰ মূৰ্তিৰ অনন্য বৈশিষ্ট্য আছে। একেটা শিল্পী পৰিয়ালে যোৱা বহু বছৰ ধৰি মূৰ্তিটো নিৰ্মাণ কৰি আহিছে। আমি সকলো ৰীতি-নীতিৰে পূজাৰ আয়োজন কৰোঁ আৰু পূজাৰ সময়ত পশু বলি দিয়া হয়।”

“বকেল দুৰ্গা পূজাৰ এক ঐতিহাসিক গুৰুত্ব আছে কিয়নো ইয়াক আহোম শাসনৰ সময়ত আৰম্ভ কৰা হৈছিল আৰু বহু ব্যক্তিৰ জীৱন পূজাৰ সৈতে সম্পৰ্কিত আছিল।” দাসে কয়।

ইফালে, চৰকাৰে দুৰ্গা পূজাৰ বাবে বিশেষ SOP জাৰি কৰিছে। কোভিড-19ৰ বাবে চৰকাৰে দুৰ্গা পূজা সুচাৰুৰূপে সম্পন্ন কৰাৰ বাবে বহুতো নিৰ্দেশনা দিছে।

উদযাপন সমিতিৰ বিষয়ববীয়াই এই সম্পৰ্কে কয়,”আমি চৰকাৰে জাৰী কৰা সকলো কোভিড-১৯ প্ৰটোকল অনুসৰণ কৰি আছো। পূজালৈ অহা লোকসকলক মাস্ক, চেনিটাইজাৰ দিয়া হ’ব। এই বছৰ আমাৰ মূৰ্তিটো স্থানীয় শিল্পীয়ে নিৰ্মাণ কৰিছে। আমি সুখী যে এইবাৰ আমি মূৰ্তিৰ সৈতে পূজাৰ আয়োজন কৰিছো। যোৱাবাৰ আমি ঘাট পূজা কৰিছিলো।”