BTAD হ’ল BTR; ইচ্ছা অনুসৰি অবড়ো গাওঁ বাহিৰলৈ আৰু বড়ো গাওঁ অন্তৰ্ভুক্ত হ’ব পাৰিব

এতিয়াৰে পৰা BTADৰ নতুন নাম হ’ব BTR। ৰাজ্যপাল জগদীশ মুখীয়ে অনুমোদন জনোৱাৰ পাছতেই বড়োলেণ্ড টেৰিট’ৰিয়েল ৰিজ’নলৈ পৰিৱৰ্তিত হ’ল BTAD। জনতা ভৱনত সম্বোধন কৰা এক সংবাদমেলত এই কথা জানিবলৈ দিয়ে মন্ত্ৰী ড০ হিমন্ত বিশ্ব শৰ্মাই।

কোকৰাঝাৰ, চিৰাং, ওডালগুৰি আৰু বাক্সাক সামৰি  BTR ঘোষণা কৰা হৈছে বুলি তেওঁ সংবাদমেলত কয়।

ইপিনে, মন্ত্ৰীয়ে জনোৱা অনুসৰি ‘BTRত অন্তৰ্ভূক্ত কৰিবৰ বাবে গাওঁ সমূহে নিজাকৈ কৰিব পাৰিব আবেদন। লগতে BTRৰ পৰা নাম কাটিবলৈও গাঁৱে কৰিব পাৰিব আবেদন।‘

অৱশ্যে, ৫০ শতাংশতকৈ অধিক বড়ো বা অবড়ো জনবসতি থকা গাওঁৱেহে কৰ্তন বা অন্তৰ্ভুক্তিৰ বাবে আবেদন কৰিব পাৰিব বুলি তেওঁ জনায়।

ইয়াৰ বাবে ৰাজ্য চৰকাৰৰ প্ৰাক্তন মুখ্য সচিব পি. পি. বৰ্মাৰ নেতৃত্বূত বিশেষ আয়োগো গঠন কৰা হৈছে বুলি তেওঁ জনায়।

এই আয়োগৰ তিনিগৰাকী সদস্য থাকিব বুলি তেওঁ উল্লেখ কৰি লগতে কয় যে বিটিআৰৰ মুখ্য প্ৰশাসক ৰাজেশ প্ৰসাদ, এবছুৰ জয়ন্ত বসুমতাৰী আৰু অন্য সম্প্ৰদায়ৰ পৰা ডালিম বায়ন থাকিব।

গঠন কৰি দিয়া আয়োগৰ কাৰ্যকাল ৬ মাহ হ’ব বুলি মন্ত্ৰীয়ে জনায়। এই আয়োগেই বিটিছিৰ আসন বৃদ্ধি , সমষ্টি পুনৰ নিৰ্ধাৰণৰ বাবে চৰকাৰক পৰামৰ্শ দিব  বুলি তেওঁ কয়।

ইপিনে, অহা ৩০ নৱেম্বৰলৈকে  লৈ BTCৰ নিৰ্বাচন অনুষ্ঠিত হোৱাৰ সম্ভাৱনা নাই বুলি সংবাদমেলত স্পষ্ট কৰি দিয়ে মন্ত্ৰীগৰাকীয়ে।

‘নিৰ্বাচন সন্দৰ্ভত শীঘ্ৰে মুখ্যমন্ত্ৰীয়ে  সৰ্বদলীয় বৈঠক অনুষ্ঠিত কৰিব। নিৰ্বাচন সন্দৰ্ভত ডিচেম্বৰ মাহতহে চিন্তা কৰা হব ।‘ হিমন্তই এইদৰে কয়।