মেঘালয়ৰ গাৰো পাহাৰত উদ্ধাৰ অসমৰ ব্যৱসায়ীৰ মৃতদেহ

মেঘালয়ৰ গাৰো পাহাৰত আজি উদ্ধাৰ হয় দেওবাৰৰ পৰা অপহৃত হৈ থকা অসমৰ ব্যৱসায়ী নুৰ আজিজৰ মৃতদেহ। পূৱ গাৰো পাহাৰ জিলাৰ খেৰাপাৰা পাহাৰত উদ্ধাৰকৰা হয় অপহৃত ব্যৱসায়ীগৰাকীৰ মৃতদেহ।

উল্লেখযোগ্য যে, দেওবাৰে মেঘালয়ৰ উগ্ৰপন্থী সংগঠনে মানকাচাৰৰ দুই ব্যৱসায়ী ৰবিউল ইছলাম আৰু নুৰ আজিজক অপহৰণ কৰিছিল। বুধবাৰে অপহৃত ৰবিউল ইছলামৰ মৃতদেহ উদ্ধাৰ হৈছিল। ইছলামৰ মৃতদেহ উদ্ধাৰৰ পাছত মানকাচাৰ ব্যৱসায়ী সংস্থাই মেঘালয় আৰক্ষীৰ বিৰুদ্ধে প্ৰতিবাদ সাব্যস্ত কৰে কিন্তু এই প্ৰতিবাদৰ পাছতে আনজন অপহৃত ব্যৱসায়ী নুৰ আজিজৰ মৃতদেহ উদ্ধাৰ হোৱা ঘটনাই সমগ্ৰ মানকাচাৰ অঞ্চলত তীব্ৰ চাঞ্চল্যৰ সৃষ্টি কৰিছে।

উল্লেখযোগ্য যে,  এতিয়াও মেঘালয়ৰ গাৰো উগ্ৰপন্থীৰ কবলত ৩ জন অসমৰ ব্যৱসায়ী আছে। আনহাতে, অসমৰ ক্ষুদ্ৰ ব্যৱসায়ীসকলে সীঘ্ৰে মেঘালয় চৰকাৰক বন্দী হৈ থকা তিনিজন ব্যৱসায়িক মুকলি কৰি অনাৰ বাবে ব্যৱস্থা গ্ৰহণৰ দাবী জনাই।

মেঘালয় চৰকাৰে উগ্ৰপন্থীৰ বিৰুদ্ধে কঠোৰ ব্যৱস্থা গ্ৰহণ নকৰিলে চুবুৰীয়া ৰাজ্যখনৰ বিৰুদ্ধে অৰ্থনৈতিক অৱৰোধৰো হুংকাৰ দিছে বিভিন্ন দল সংগঠনৰ লগতে অসমৰ ব্যৱসায়ীসকলে।