ৰাতি টোপনি নাহে নেকি? ঔষধ খোৱাৰ সলনি মানি চলক এইকেইটা নিয়ম

আপুনি হয়তো নাজানে টোপনিৰ অভাৱত স্বাস্থ্যৰ কিমান ক্ষতি হ’ব পাৰে! চিকিৎসকে কয় যে গড়ে প্ৰতিজন ব্যক্তিক সাত ঘন্টা টোপনিৰ প্ৰয়োজন। কোনোবাই আঠ ঘণ্টা সময় টোপনি মাৰে, কোনোবাই চাৰি-পাঁচ ঘণ্টা সময় টোপনি মাৰে।

হাৰ্ভাৰ্ড মেডিকেল স্কুলৰ বিশেষজ্ঞ এৰিক ঝৌৱে কয় যে টোপনি কিমান সময় মাৰিছে তাতকৈ কিমান গভীৰ টোপনি মাৰিছে সেয়াহে বেছি গুৰুত্বপূৰ্ণ।

টোপনিৰ ভিন্নতা থাকে। কোনোবাই গভীৰ টোপনি যায়। কাৰোবাৰ আকৌ টোপনি পাতল। বহুতেই ৰাতি কেইবাবাৰো উঠিব লগা হয়।

“যদি আপুনি পুৱা সাৰ পাই সতেজ অনুভৱ কৰে তেন্তে পাঁচ ঘণ্টা শোলেও আপুনি নিশ্চয় ভাল টোপনি মাৰিছে।

ভাল টোপনিৰ ওপৰত বহুত কথা নিৰ্ভৰ কৰে। বিশেষকৈ যিসকলৰ হৃদযন্ত্ৰৰ সমস্যা, ডায়েবেটিছ, ৰক্তচাপৰ সমস্যা আছে তেওঁলোকৰ বাবে ভাল টোপনি অতি প্ৰয়োজনীয়।

আনকি মানসিক চাপ, হতাশা, উদ্বেগ আদি সমস্যাবোৰো ভাল টোপনিৰ ওপৰত নিৰ্ভৰ কৰে। প্ৰায়ে দেখা যায় যে মানসিক চাপত ভুগি থকা লোকসকলৰ টোপনিৰ সমস্যা হয়।

তদুপৰি ৰাতি ভালদৰে টোপনি নাহিলে দিনত মানুহ কৰ্মঠ হৈ নাথাকে। যাৰ ফলত কৰ্মস্থলীত তেওঁলোক আলস্ত হৈ পৰে।

টোপনিৰ আঁৰত মেলাটনিন নামৰ এটা হৰম’নৰ বিশেষ ভূমিকা আছে। চিকিৎসকৰ মতে, সাধাৰণতে চৌপাশ আন্ধাৰ হ’লে মগজুৱে এই হৰম’ন নিৰ্গত কৰে। ফলত টোপনি আহে।  বয়সৰ লগে লগে এই হৰম’ন ক্ৰমান্বয়ে কমি যায়। সেইবাবেই দেখা যায় যে তুলনামূলকভাৱে বয়সীয়াল লোকে ৰাতিপুৱা সোনকালে সাৰ পায়। কিন্তু ডেকাবোৰে দুপৰীয়ালৈকে শুই থাকে।

ভাল টোপনি নহ’লে উপায় কি?

প্ৰথমতে দিনৰ ভাগত শুব নালাগে। আমাৰ বহুতৰে দুপৰীয়া আহাৰ খাই শোৱাৰ অভ্যাস আছে। কিন্তু ঘৰতেই হওক বা অফিচতেই হওক, দুপৰীয়া আধা ঘন্টাতকৈ বেছি টোপনি মাৰিব নালাগে।

লগতে ৰাতি নিয়মীয়াকৈ টোপনিৰ সময় বজাই ৰাখিব লাগে। ঘড়ী অনুসৰি নিৰ্দিষ্ট সময়ত লাইট বন্ধ কৰাৰ অভ্যাস গঢ়ি তুলিলে টোপনিৰ সমস্যা বহু পৰিমাণে হ্ৰাস পাব পাৰে। তদুপৰি শাৰীৰিক ক্ৰিয়া-কলাপ বৃদ্ধি কৰিব লাগে।

জিমত ৱৰ্কআউট কৰাটোও ভাল টোপনিৰ বাবে অতি ফলপ্ৰসূ। অন্যথা দৈনিক খোজকঢ়া, খেলাধূলা আদিও কৰিব পাৰে।