এইবাৰ পৃথিৱীৰ মুধচ পামিৰ মালভূমিকো নিজৰ বুলি দাবী চীনৰ

সমগ্ৰ দক্ষিণ-পূৱ আৰু মধ্য এছিয়াত এতিয়া পৰিছে চীনৰ আগ্ৰাসী দৃষ্টি।

ভাৰতৰ লাডাখকে ধৰি আন বহু অঞ্চল চীনে নিজৰ বুলি দাবী কৰি থকাৰ সময়তে এইবাৰ পৃথিৱীৰ মুধচ হিচাবে খ্যাত পামিৰ মালভূমিৰ ওপৰতেো নিজৰ দখলদাৰিত্ব জাহিৰ কৰিলে চীনে।  শেহতীয়াকৈ চীনৰ এজন ইতিহাসবিদে পামিৰ মালভূমি চীনৰ অধিনস্থ অঞ্চল আছিল বুলি ঘোষণা কৰাৰ পিছতে চীনে উক্ত ইতিহাসবিদ গৰাকীৰ ভাষ্যকে আলম কৰি তাজিকস্তানৰ পামিৰ মালভূমিক নিজৰ বুলি কবলৈ লৈছে।

আগ্ৰাসী চীনৰ এনে স্থিতিত স্বাভাৱিকতে বিপদত পৰিছে তাজিকিস্তান।

তাজিকিস্তানৰ পূৱ অংশত থকা গৰনো বাডাখছান স্বায়ত্ত্ব শাসিত অঞ্চলত থকা পামিৰ মালভূমি হৈছে হিমালয়ৰ লগতে টিয়ানছান, কাৰাকৰম,হিন্দুকোশ আদি পৰ্বতমালাৰ সংযোগস্থলী।

সুউচ্চ এই অঞ্চলটোক হাই এছিয়া বুলিও বহুতে কয়।

পামিৰ মালভূমিত ২৩,৩১১ ফুট উচ্চতাৰ ইভাগেনিয়া শৃংগ,২৪,৫৯০ ফুট উচ্চতাৰ কমিউনিজম শৃংগ আদি আছে।

ইয়াৰ বহু শৃংগত এতিয়াও মানুহৰ খোজ পৰা নাই।

১৯৯১ চনত ৰাছিয়াৰ পৰা বিভাজিত হৈ সৃষ্টি হোৱা তাজিকিস্তানৰ এই বিশাল অঞ্চলটোৰ ওপৰত ১৯১১ চনৰ পৰাই চীনে লোলুপ দৃষ্টি দি আহিছে।

অৱশ্যে ৰাছিয়াৰ ভয়ত তেতিয়া চীনে অঞ্চলটো দাবী কৰিব পৰা নাছিল।

কিন্তু এতিয়া শক্তিহীন সৰু দেশ তাজিকিস্তানক চীনে হেঁচা মাৰি ধৰিছে।