এইবাৰ চীনে সফল পৰীক্ষণ কৰিলে উৰিব পৰা গাড়ীৰ , প্ৰতি ঘণ্টাত গতিবেগ ২৩০ কিলোমিটাৰ !
আধুনিক প্ৰযুক্তিয়ে মানুহক ক’ৰ পৰা ক’লৈ নিছে সেয়া ভাবিলেই আচৰিত লাগে। পৃথিৱীৰ প্ৰথমখন উৰন্ত বাইকৰ কথা বহুল ভাবে জনাজাত হোৱাৰ সময়তে চীনে উৰণীয়া গাড়ীৰ সফল পৰীক্ষণ কৰিবলৈ সক্ষম হৈছে । উৰন্ত বাইকখন আমেৰিকা যুক্তৰাষ্ট্ৰত প্ৰথমবাৰৰ বাবে ৰাজহুৱাভাৱে দেখা গৈছে।
নেটিজেনসকলে ভাইৰেল ভিডিঅ’টো চোৱাৰ পিছত ষ্টাৰ ৱাৰ্ছৰ দ্ৰুত বেগী বাইকখনৰ কথাকে তেওঁলোকক মনত পেলাই দিছে পৃথিৱীৰ এই প্ৰথমখন উৰন্ত বাইকে।
জাপানী ষ্টাৰ্ট-আপ AERWINS Technologies-য়ে নিৰ্মাণ কৰি উলিয়াইছে এই hoverbike। এই হোভাৰবাইকখনৰ আত্মপ্ৰকাশ ঘটিছে ডেট্ৰয়েট অটো শ্ব’ (Detroit Auto Show)ত। এই উৰন্ত বাইকখনৰ এটা ভিডিঅ’ ইতিমধ্যে পোহৰলৈ আহিছে। ভিডিঅ’টো টুইটাৰত ভাইৰেল হৈ পৰিছে আৰু সকলোৱে ইয়াক দেখি আচৰিত হৈ পৰিছে। পৃথিৱীৰ এই প্ৰথমখন উৰন্ত বাইকৰ নাম হৈছে XTURISMO hoverbike। উৰন্ত বাইকে মানুহৰ দৃষ্টি আকৰ্ষণ কৰাৰ সময়তে
A #maglev vehicle technology test saw a 2.8-tonne car float 35 millimeters above the road and run on a highway in #Jiangsu, east China. A permanent magnet array was installed for levitation. pic.twitter.com/7vWc8TvJpn
— QinduoXu (@QinduoXu) September 12, 2022
চীনৰ চিচুয়ান প্ৰদেশৰ চেংডুৰ দক্ষিণ-পশ্চিম জিয়াওটং বিশ্ববিদ্যালয়ৰ গৱেষকসকলে এখন “উৰণীয়া” চাৰিচকীয়া বাহনৰ পৰীক্ষণ সফলতাৰে সম্পন্ন কৰিছে। চুম্বক প্ৰযুক্তিৰ সহায়তেই বাহনসমূহ উৰিব পাৰে বুলি গৱেষকসকলে কৈছে। প্ৰথমাৱস্থাত উৰিব পৰা আঠখন চেডান বাহনৰ পৰীক্ষণ সম্পন্ন কৰা হৈছে।এনে বাহনে প্ৰতি ঘণ্টা সৰ্বাধিক ২৩০ কিলোমিটাৰ গতিবেগত চলিব পাৰে বুলি কোৱা হৈছে।
উৰিব পৰা এনে বাহন নিৰ্মাণ কৰি উলিয়াইছে বিশ্ববিদ্যালয়খনৰ অধ্যাপক ডেং জিগাঙে। জিগাঙে সাংবাদিকৰ আগত কয় যে এনে উৰণীয়া গাড়ী চলাবলৈ চুম্বকীয় প্ৰযুক্তি ব্যৱহাৰ কৰা হ’ব। ফলত ইন্ধনৰ ব্যৱহাৰ হ্ৰাস কৰিব পৰা যাব। ১৯৮০ ৰ দশকৰ পৰা এই প্ৰযুক্তি ব্যৱহাৰ কৰি চীনত বুলেট ৰে’ল চলাই থকা হৈছে। অৱশ্যে প্ৰযুক্তিটো প্ৰথমবাৰৰ বাবে চাৰিচকীয়া বাহনত প্ৰয়োগ কৰা হৈছে।