China warns US: পেল’চিৰ টাইৱান ভ্ৰমণকলৈ আমেৰিকা যুক্তৰাষ্ট্ৰক সতৰ্ক কৰি দিলে চীনে

China warns US আমেৰিকা যুক্তৰাষ্ট্ৰৰ হাউছ অফ ৰিপ্ৰেজেন্টেটিভৰ অধ্যক্ষ নেন্সি পেল’চিৰ সম্ভাৱ্য টাইৱান ভ্ৰমণকলৈ আমেৰিকা যুক্তৰাষ্ট্ৰক সতৰ্ক কৰি দিছে চীনে। শনিবাৰে দ্য ফাইনেন্সিয়েল টাইমছত এই বাতৰি প্ৰকাশ পাইছে।

ফাইনেন্সিয়েল টাইমছৰ প্ৰতিবেদনত ছয়জন চীনা বিষয়াৰ উদ্ধৃতি দি কোৱা হৈছে যে অতীতত বেইজিঙে দি অহা ভাবুকিতকৈ এইবাৰৰ ভাবুকি যথেষ্ট শক্তিশালী।

লগতে পঢ়ক: Covid-Monkeypox: একেলগে দুটা ভাইৰাছৰ সংক্ৰমণ! প্ৰথমবাৰ কৰ’না আৰু মাঙ্কিপক্সৰ দ্বাৰা আক্ৰান্ত হ’ল এক ব্যক্তি

হোৱাইট হাউচৰ ৰাষ্ট্ৰীয় সুৰক্ষা পৰিষদ আৰু গৃহ বিভাগে এই প্ৰতিবেদনৰ ওপৰত কোনো মন্তব্য দিবলৈ অস্বীকাৰ কৰিছে।

ফাইনেন্সিয়েল টাইমছে ১৮ জুলাইত বাতৰি প্ৰকাশ কৰিছিল যে পেল’চিয়ে অহা আগষ্টত টাইৱান ভ্ৰমণ কৰাৰ পৰিকল্পনা কৰিছে।

দৰাচলতে চীনে টাইৱানৰ চাৰিওফালে সামৰিক কাৰ্যকলাপ বৃদ্ধি কৰি আছে আৰু তাত গণতান্ত্ৰিকভাৱে নিৰ্বাচিত চৰকাৰক চীনা সাৰ্বভৌমত্ব স্বীকাৰ কৰিবলৈ হেঁচা দিবলৈ চেষ্টা চলাইছে।

লগতে পঢ়ক: World Athletics Championships: বিশ্ব এথলেটিকছ চেম্পিয়নশ্বিপত ৰূপৰ পদকতে সন্তুষ্ট থাকিবলগীয়া হ’ল নীৰজ চোপ্ৰা

ইপিনে, টাইৱান স্পষ্ট কৰি দিছে যে দ্বীপৰাষ্ট্ৰখনৰ ২কোটি ৩০ লাখ লোকেহে কেৱল তেওঁলোকৰ ভৱিষ্যতৰ বিষয়ে সিদ্ধান্ত ল’ব। তেওঁলোকে শান্তি বিচাৰে, কিন্তু আক্ৰমণ কৰিলে তেওঁলোকে নিজকে ৰক্ষা কৰিব।