বান সহায্য সংগ্ৰহৰ নামত জোৰ-জুলুম কৰা সকলৰ বিৰুদ্ধে কঠোৰ মহানগৰ প্ৰশাসন; প্ৰয়োজনত ল’ব আইনী ব্যৱস্থা
কামৰূপ মহানগৰ প্ৰশাসন কঠোৰ হৈছে বান সাহায্য সংগ্ৰহৰ ক্ষেত্ৰত। এতিয়াৰ পৰা বান সাহায্যৰ নামত ৰাইজক কোনেও জোৰ-জুলুম কৰিব নোৱাৰিব।
সংবাদ মাধ্যমলৈ বুধবাৰে প্ৰেৰণ কৰা এক নিৰ্দেশনা যোগে কামৰূপ(মেট্ৰো)ৰ জিলা উপায়ুক্ত বিশ্বজিৎ পেগুৱে কয় “বানপীড়িত অঞ্চলৰ অসহায় লোকসকলক সাহায্য প্ৰদানৰ নাম লৈ এচাম লোক আৰু সংগঠনে ৰাইজৰ পৰা জোৰ-জুলুমকৈ ধন, বৰঙণি সংগ্ৰহ কৰাৰ অভিযোগ মহানগৰ জিলা প্ৰশাসনে লাভ কৰিছে”।
এই ক্ষেত্ৰত কঠোৰ স্থিতি গ্ৰহণ কৰি মহানগৰ জিলা প্ৰশাসনে কয় “বান সাহায্য তথা আৰ্তজনৰ সেৱাৰ নাম লৈ কোনো ব্যক্তি বা সংগঠনে ৰাইজৰ পৰা জোৰ জুলুমকৈ যাতে ধন সংগ্ৰহ নকৰে।”
অসাধুভাৱে ধন তথা বৰঙণি সংগ্ৰহ কৰা ব্যক্তি নাইবা সংগঠনৰ বিৰুদ্ধে অভিযোগ উত্থাপন হ’লে প্ৰয়োজনত আইন অনুসৰি ব্যৱস্থা গ্ৰহণ কৰাৰো হুংকাৰ দিয়ে উপায়ুক্ত গৰাকীয়ে।
উল্লেখযোগ্য যে, চলিত বানপানীত অসমত প্ৰায় ২৬ লাখতকৈও অধিকলোক আক্ৰান্ত হৈছে আৰু বৰ্তমানলৈ ৬৮ গৰাকী লোকে প্ৰাণ হেৰুৱাইছে।
চৰকাৰে জিলা প্ৰশাসনৰ সহযোগত বান আক্ৰান্ত ৰাইজক সহায় কৰি অহাৰ লগতে বেচৰকাৰী সংস্থা তথা সংগঠনসমূহেও বন্যাক্ৰান্তক অহৰহ সহায় আগবঢ়াই আছে।
You may also like
কলিয়াবৰ মহাবিদ্যালয়ৰ সোণালী জয়ন্তী সমাৰোহ আৰম্ভ
উচ্চ শিক্ষাৰ প্ৰাণকেন্দ্ৰ স্বৰূপ কলিয়াবৰ মহাবিদ্যালয়ে চলিত বছৰত ভৰি দিলে ৫০ বছৰ বয়সত। এই বৰ্ষটোক ‘সোণালী জয়ন্তী’ হিচাপে উদযাপন কৰাৰ মানসেৰে আজি মহাবিদ্যালয়খনত…
ক’ৰ’না বিৰোধী যুঁজ; অৰুণাচলৰ মুখ্য মন্ত্ৰী পেমা খাণ্ডুয়ে আগবঢ়ালে ৩০ লাখ টকা
ক’ৰ’না ভাইৰাছৰ বিৰুদ্ধে যুঁজ দিবৰ বাবে অৰুণাচল প্ৰদেশৰ মুখ্য মন্ত্ৰী পেমা খাণ্ডুয়ে ৩০ লাখ টকাৰ আৰ্থিক বৰঙণি আগবঢ়ায়। মুখ্য মন্ত্ৰী গৰাকীয়ে আজি…
ৰাছিয়াক ইউক্ৰেইনত ‘গুলীবৰ্ষণ, বোমা বিস্ফোৰণ, ধ্বংস, হত্যা বন্ধ কৰিবলৈ’ আহ্বান অভিনেতা আদিল হুছেইনৰ
আন্তৰ্জাতিক পৰ্যায়ত বহু প্ৰশংসিত অসমৰ অভিনেতা আদিল হুছেইনে ৰাছিয়াক ইউক্ৰেইনত “গুলীবর্ষণ, বোমা বিস্ফোৰণ, ধ্বংস, হত্যা আদি বন্ধ কৰিবলৈ” আহ্বান জনাইছে। আদিল হুছেইনে…
বিদ্যালয়ৰ খেলপথাৰত খেলি থাকোতে ঢলি পৰিল ৯ বছৰীয়া ছাত্ৰী; হাৰ্ট এটেকত আঁকোৱালি ল’লে মৃত্যুক
ৰাজস্থানৰ এখন বিদ্যালয়ৰ পৰা প্ৰকাশ পাইছে এটা মৰ্মান্তিক ভিডিঅ’। নাগৌৰৰ এখন ব্যক্তিগত বিদ্যালয়ৰ এগৰাকী ৯ বছৰীয়া ছাত্ৰীৰ হাৰ্ট এটেকত মৃত্যু হয়। বিদ্যালয়ৰ…