ৰাষ্ট্ৰপতিৰ বিষয়ে তীৰ্যক মন্তব্য কৰা বাবে ছোনিয়া গান্ধীৰ বিৰুদ্ধে দাখিল এজাহাৰ

সংসদত মুৰ্মুৰ ভাষণৰ পিছত ৰাষ্ট্ৰপতি দ্ৰৌপদী মুৰ্মুক “poor thing” বুলি উল্লেখ কৰা মন্তব্যক লৈ বিহাৰৰ আদালতত কংগ্ৰেছ নেত্ৰী ছোনিয়া গান্ধীৰ বিৰুদ্ধে এজাহাৰ দাখিল কৰা হৈছে। ছোনীয়া গান্ধীয়ে দেশৰ সৰ্বোচ্চ সাংবিধানিক পদ ৰাষ্ট্ৰপতিগৰাকীক অসন্মান কৰাৰ অভিযোগ উত্থাপন কৰি মুজাফ্ফৰপুৰৰ অধিবক্তা সুধীৰ ওঝাই এই অভিযোগ দাখিল কৰে। লগতে ওঝাই ৰাহুল গান্ধী আৰু প্ৰিয়ংকা গান্ধী ভাদ্ৰাক সহ অভিযুক্ত বুলি উল্লেখ কৰি তেওঁলোকৰ বিৰুদ্ধে আইনী ব্যৱস্থা বিচাৰিছিল।

প্ৰায় এঘণ্টা ধৰি চলি থকা সংসদৰ যৌথ অধিৱেশনৰ সময়ত মুৰ্মুৰ ভাষণৰ পাছতে এই মন্তব্য কৰে। ছোনিয়া গান্ধীয়ে সাংবাদিকক কোৱা শুনা গৈছিল যে ৰাষ্ট্ৰপতিগৰাকী “The President was getting very tired by the end. She could hardly speak, poor thing.” এই মন্তব্যক ভাষণৰ সময়ত মুৰ্মুৰ  সমালোচনা বুলি বহুলভাৱে ব্যাখ্যা কৰা হৈছিল।

অহা ১০ ফেব্ৰুৱাৰীত শুনানি গ্ৰহণ কৰিবলগীয়া মুজাফ্ফৰপুৰৰ মুখ্য ন্যায়িক দণ্ডাধীশ আদালতত এই অভিযোগ দাখিল কৰা হৈছে।

এই ঘটনাৰ পাছতে ৰাষ্ট্ৰপতি ভৱনে এই মন্তব্যক গৰিহণা দি ইয়াক “গ্ৰহণযোগ্য নহয়” বুলি অভিহিত কৰি ৰাষ্ট্ৰপতিগৰাকী ভাগৰুৱা হোৱা নাই বুলি দৃঢ়তাৰে কয়। বিবৃতিটোত গুৰুত্ব আৰোপ কৰা হৈছে যে এনে মন্তব্যই কাৰ্যালয়ৰ মৰ্যাদাক আঘাত কৰে আৰু উল্লেখ কৰা অনুচিত।