কংগ্ৰেছ নেতা, প্ৰাক্তন বিধায়ক হাবুল চক্রৱৰ্তীৰ পৰলোকপ্ৰাপ্তি

অসমৰ কংগ্ৰেছ নেতা তথা ঢেকিয়াজুলি সমষ্টিৰ প্ৰাক্তন বিধায়ক হাবুল চক্ৰৱৰ্তীৰ দেওবাৰে পৰলোকপ্ৰাপ্তি ঘটে।

মৃত্যুৰ সময়ত তেওঁৰ বয়স আছিল ৬০বছৰ।

শ্বাহ-প্ৰশ্বাসৰ সমস্যাৰ বাবে কংগ্ৰেছ নেতাগৰাকীক ঢেকিয়াজুলিৰ স্থানীয় হাস্পাতলত ভৰ্তি কৰোৱা হৈছিল।

উন্নত চিকিৎসাৰ বাবে তেওঁক তেজপুৰ মেডিকেল কলেজ আৰু হাস্পাতললৈ অনা হৈছিল যদিও তাতেই তেওঁ শেষ নিশ্বাস ত্যাগ কৰে।

কংগ্ৰেছ নেতাগৰাকীৰ মৃত্যুত অসম প্ৰদেশ কংগ্ৰেছ কমিটিৰ সভাপতি ৰিপুন বৰাই চক্ৰৱৰ্তীৰ মৃত্যুত গভীৰ শোক প্ৰকাশ কৰিছে।

তেওঁ লগতে মৃতকৰ পৰিয়ালৰ সদস্যসকললৈ সমবেদনা জ্ঞাপন কৰে।

বৰাই কয় যে চক্ৰৱৰ্তী এগৰাকী মহান নেতা আছিল, যিয়ে দলটোক সকলো দিশৰ পৰাই সহায় কৰি আহিছিল।

১৯৬০ চনৰ ১ ফেব্ৰুৱাৰিত হাবুল চক্ৰৱৰ্তীয়ে জন্ম গ্ৰহণ কৰিছিল।

২০১১চনত তেওঁ ঢেকিয়াজুলি সমষ্টিৰ পৰা বিধায়ক হিচাপে নিৰ্বাচিত হৈছিল।

কংগ্ৰেছৰ জ্যেষ্ঠ নেতাগৰাকী লগতে মিউনিচিপালিটি বোৰ্ডৰ এগৰাকী সদস্যও আছিল।

চক্ৰৱৰ্তী ব্ৰাহ্মণ সভাৰো মুখ্য উপদেষ্টা আছিল। ব্ৰাহ্মণ সভায়ো চক্ৰৱৰ্তীৰ মৃত্যুত গভীৰ শোক প্ৰকাশ কৰে।