য়েমেনক আক্ৰমণ চলাই বিপদত পৰিছে বাইডেন; উভতি ধৰিলে কোনে?
আমেৰিকা আৰু ব্ৰিটেইনে য়েমেনত হুথি বিদ্ৰোহীৰ বিভিন্ন ঘাটিত আক্ৰমণ চলাইছে। এই আক্ৰমণৰ অনুমতি দি বিপদত পৰিছে আমেৰিকাৰ ৰাষ্ট্ৰপতি জো বাইডেন।
কাৰণ, বাইডেনে য়েমেনক আক্ৰমণ কৰাৰ সঠিক পদ্ধতি অনুসৰণ কৰা নাছিল। আমেৰিকান কংগ্ৰেছক অৱগত নকৰাকৈয়ে তেওঁ এই আক্ৰমণৰ অনুমোদন দিছিল।
কংগ্ৰেছী ৰো খান্নাই কয় যে মধ্যপ্ৰাচ্যৰ যিকোনো সংঘাতত লিপ্ত হোৱাৰ পূৰ্বে বাইডেনে কংগ্ৰেছক অৱগত কৰা উচিত আছিল।
লগতে পঢ়কঃ প্ৰায় ৮ বছৰ পিছত উদ্ধাৰ ২৯ জোৱান সহিতে নিৰুদ্দেশ হোৱা বায়ুসেনাৰ বিমানৰ ধ্বংসাৱশেষ
আন এজন কংগ্ৰেছী ভেলী হলিয়ে কয় যে বিদেশত সামৰিক আক্ৰমণৰ অনুমতি দিয়াৰ একমাত্ৰ কৰ্তৃত্ব কংগ্ৰেছৰ হাতত আছে। প্ৰতিজন ৰাষ্ট্ৰপতিয়ে প্ৰথমে কংগ্ৰেছলৈ আহি সামৰিক কৰ্তৃপক্ষৰ পৰা অনুমতি লব লাগে।
বহু লোকে বাইডেনৰ এনে হস্তক্ষেপক সমৰ্থন কৰে যদিও কয় যে অস্ত্ৰ ব্যৱহাৰতকৈ কূটনৈতিকভাৱে সংকট সমাধানৰ চেষ্টা কৰাটো অধিক গুৰুত্বপূৰ্ণ।
লগতে পঢ়কঃ সহপাঠীয়ে প্ৰাণ ল’লে সহপাঠীৰঃ ৬ দিন পিছত কুঁৱাত উদ্ধাৰ মৃতদেহ
কেইবাদিনো ধৰি হুথি বিদ্ৰোহীয়ে লোহিত সাগৰত ইজৰাইলৰ জাহাজক লক্ষ্য কৰি লৈ আহিছে। আমেৰিকা আৰু ব্ৰিটেইনে দাবী কৰিছিল যে সেই আক্ৰমণৰ প্ৰত্যুত্তৰ হিচাপে য়েমেনৰ এই আক্ৰমণ সংঘটিত হৈছিল।