Coronavirus India: দুশ দিনৰ পাছত দেশৰ কৰ’নাৰ দৈনিক সংক্ৰমণত বিৰাট সকাহ; সুস্থতাৰ হাৰতো স্বস্তি

Coronavirus India: উৎসৱৰ বতৰ আৰম্ভ হোৱাৰ পূৰ্বে দেশত কৰ’নাৰ দৈনিক সংক্ৰমণ বিগত ২০১ দিনৰ পাছত আটাইকৈ কম হোৱাত সকাহ বৃদ্ধি পাইছে। সেইদৰে সুস্থতাৰ হাৰেও আনিছে স্বস্তি।

মঙলবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ১৮হাজাৰ ৭৯৫ জন লোক। সোমবাৰে দেশত মুঠ ক’ৰ’নাত আক্ৰান্ত হৈছিল ২৬হাজাৰ ৪১ জন লোক।

সেইদৰে, দেশত মুঠ কৰ’নাত আক্ৰন্তৰ সংখ্যা হৈছেগৈ ৩কোটি ৩৬লাখ ৯৭হাজাৰ ৫৮১জন।

আনহাতে, যোৱা ২৪ ঘণ্টাত দেশত ১৭৯ জন কৰ’না আক্ৰান্ত লোকৰ মৃত্যু হৈছে।

সেইদৰে, দেশত এতিয়ালৈকে মুঠ কৰ’নাত মৃত্যুৰ সংখ্যা হৈছে ৪লাখ ৪৭হাজাৰ ৩৭৩জন।

দেশত যোৱা ২৪ ঘন্টাত সুস্থ হৈ ঘৰলৈ ওভতা ৰোগীৰ সংখ্যা হৈছে ২৬হাজাৰ ৩০জন।

দেশত এতিয়ালৈকে মুঠ ৩কোটি ২৯ লাখ ৫৮হাজাৰ ২জন লোক কৰ’নাৰ পৰা সুস্থ হৈ উঠিছে।

স্বাস্থ্য মন্ত্ৰ্যালয়ৰ তথ্য অনুসৰি দেশত বৰ্তমান সক্ৰিয় ৰোগীৰ সংখ্যা হৈছে ২লাখ ৯২হাজাৰ ২০৬জন।

আৰু পঢ়ক: অসমৰ উপ নিৰ্বাচনৰ দিন ঘোষণা; ৩০ অক্টোবৰত ৰাজ্যৰ ৫টা সমষ্টিৰ বাবে হ’ব ভোটগ্ৰহণ

ইপিনে, দেশত এতিয়ালৈকে ৮৭কোটি ৭ লাখ ৮ হাজাৰ ৬৩৬ জন লোকক কৰ’নাৰ ভেকচিন প্ৰদান কৰা হৈছে। ইয়াৰ ভিতৰত যোৱা ২৪ ঘন্টাত ১কোটি ২লাখ ২২হাজাৰ ৫২৫ জন লোকক কৰ’নাৰ ভেকচিন দিয়া হৈছে।

ইপিনে, কেৰেলাত সংক্ৰমণৰ হাৰ এতিয়াও উদ্বেগমুক্ত নহয়। বিগত ২৪ ঘন্টাত ৰাজ্যখনত নতুনকৈ ১১হাজাৰ ৬৯৯ টা সংক্ৰমণৰ ঘটনা ঘটিছে। সেইদৰে মৃত্যু ঘটিছে ৫৮জনৰ।

দেশত কৰ’নাৰ তৃতীয়টো ঢৌৰ সংক্ৰমণৰ আশংকা চলি থকাৰ সময়তে ইতিমধ্যে উৎসৱৰ বতৰ আৰম্ভ হৈছে।

আনহাতে, কৰ’না পৰিস্থিতিক কোনো কাৰণতে সহজভাৱে নল’বলৈ আহ্বান জনাইছে বিশেষজ্ঞসকলে।