RTI-কৰ্মী দুলাল বৰাৰ বাসভৱন খালী কৰাৰ নিৰ্দেশ জি এম চিৰ; আদালতৰ স্থগনাদেশ
বৰ্তমান কাৰাগাৰত থকা বিতৰ্কিত আৰ টি আই কৰ্মী দুলাল বৰাৰ কইনাধৰাত থকা এটা বাসভৱন ১ সপ্তাহৰ ভিতৰত খালী কৰিবলৈ দিয়া গুৱাহাটী পৌৰ নিগমৰ নিৰ্দেশটোত আদালতে সাময়িকভাৱে স্থগনাদেশ জাৰি কৰিছে।
বৰাই একচনীয়া ভূমিত অনুমতিবিহীনভাৱে অট্টালিকা নিৰ্মাণ কৰা বাবে উক্ত ভৱনটো উচ্ছেদ কৰাৰ বাবে খালী কৰাৰ নিৰ্দেশ দিছিল পৌৰ নিগম কৰ্তৃপক্ষই।
বিতৰ্কিত আৰ টি আই কৰ্মীজন ব্লেক মেইলিং আৰু অবৈধভাৱে ধন সংগ্ৰহৰ কেইবাটাও গোচৰত বৰ্তমান কাৰাগাৰত আছে।
আদালতে দিয়া সকাহ দিয়া সময়ৰ পিছত ভৱনটো খালী নকৰিলে জি এম চিয়ে উচ্ছেদ চলোৱাৰ পূৰ্ণ সম্ভাৱনা আছে।
উল্লেখযোগ্য যে তথ্য জনাৰ অধিকাৰ আইনখনৰ অপব্যৱহাৰেৰে বিভিন্নজনক ব্লেকমেইলিং কৰাৰ অভিযোগত বৰাক ৭ ডিচেম্বৰত মহানগৰৰ হাতীগাওঁ আৰক্ষীয়ে গ্ৰেপ্তাৰ কৰিছিল।
পৰৱৰ্তী সময়ত বৰাৰ বিৰুদ্ধে চি আই ডিতো কেইবাটো গোচৰ ৰুজু কৰে ভুক্তভোগী বন বিষয়াই।
বৰাৰ বাসগৃহৰ পৰা চি আই ডিয়ে ১১ জানুৱাৰিত প্ৰায় ৩৫ লাখ টকা মূল্যৰ এখন গাড়ীও জব্দ কৰিছিল।
আয়তকৈ অধিক সম্পত্তি আহৰণৰ বাবেও চি আই ডিয়ে বৰাৰ বিভিন্ন স্থানত থকা ঘৰ আৰু সম্পত্তিৰ তথ্য উদ্ধাৰৰ বাবে চেষ্টা অব্যাহত ৰাখিছে।
আনহাতে বৰাই যিসকল দুৰ্নীতিগ্ৰস্ত বন বিষয়াৰ পৰা নিয়মীয়াকৈ ধন লাভ কৰি আহিছিল, তেওঁলোকৰো বহুকেইজনক তলব কৰিছে চি আই ডিয়ে। ইয়াৰে কেইজনমান বিষয়াই ইতিমধ্যে আগতীয়া জামিন লৈছে।
You may also like
এইবাৰ অসম-মিজোৰামৰ মুখ্যমন্ত্ৰীক দিল্লীলৈ মাতি পঠিয়ালে কেন্দ্ৰীয় গৃহমন্ত্ৰীয়ে, কাইলৈ অনুষ্ঠিত হ’ব বৈঠক
অসম আৰু মিজোৰামৰ মাজত সীমা বিবাদ তুংগত থকাৰ সময়তে অসম তথা মিজোৰামৰ মুখ্যমন্ত্ৰীদ্বয়ক দিল্লীলৈ মাতি পঠিয়ালে কেন্দ্ৰীয় গৃহমন্ত্ৰী অমিত শ্বাহে। কাইলৈ দুয়োখন…
বিগত ২৪ঘন্টাত দেশত কৰ’নাত আক্ৰান্ত ২লাখ ৫৯হাজাৰ; মাৰাত্মক ভাইৰাছত মৃত্যু ১৭৬১জনৰ
যোৱা ৫ এপ্ৰিলত প্ৰথমবাৰৰ বাবে ভাৰতত দৈনিক সংক্ৰমণৰ সংখ্যা ১লাখৰ সীম অতিক্ৰম কৰিছিল। কিন্তু এসপ্তাহৰ ভিতৰতে এই সংখ্যা ২লাখ অতিক্ৰম কৰি যায়।…
চিৰাঙৰ আমগুৰি থানাত আত্মসমৰ্পণ ডকাইতি কাণ্ডৰে জড়িত তিনি যুৱকৰ
চিৰাং জিলাৰ আমগুৰি আৰক্ষী থানাত শনিবাৰে যমুনাগুৰি ডকাইতি কাণ্ডৰ লগত জৰিত তিনিজন যুৱকে আত্মসমৰ্পণ কৰে। আত্মসমৰ্পণ কৰা যুৱক তিনিজন হৈছে ক্ৰমে মদন…
‘বিধানসভা চৌহদত চ্যুকাফাৰ প্ৰতিমূৰ্তি স্থাপনৰ দাবী বিবেচনা কৰা হ’ব’: মে-ডাম-মে-ফিত ঘোষণা মুখ্য মন্ত্ৰীৰ
‘অসম বিধানসভা চৌহদত চাওলুং চ্যুকাফাৰ প্ৰতিমূৰ্তি এটা স্থাপনৰ বাবে আহোম সম্প্ৰদায়ে জনোৱা দাবী সদ্দিচ্ছাৰে বিবেচনা কৰা হ’ব’ আজি শ্ৰীমন্ত শংকৰদেৱ কলাক্ষেত্ৰত ৰাজ্য…