কৰ’না মুক্ত হৈ থকা ৰাজ্য মিজোৰামত ওলাল ১২ জন কোভিড-১৯ পজিটিভ ৰোগী
ৰাজ্যখনৰ একমাত্ৰ কোভিড-১৯ পজিটিভ ৰোগীগৰাকী সুস্থ হৈ উঠাৰ পাছত কৰ’না মুক্ত ৰাজ্য হিচাপে ঘোষণা কৰা মিজোৰামত এইবাৰ নতুনকৈ ওলাল ১২ জনকৈ কোভিড-১৯ পজিটিভ ৰোগী।
মিজোৰামৰ মুখ্য মন্ত্ৰী জোৰামথাংগাই আজি টুইটাৰ যোগে জানিবলৈ দিয়ে যে ৰাজ্যখনত ১২ গৰাকী কোভিড-১৯ পজিটিভ ৰোগী নিশ্চিত কৰা হৈছে।
আটাইকেইজনৰে মিজোৰামৰ জোৰাম মেডিকেল কলেজত কোভিড-১৯ ধৰা পৰিছে।
📌ALERT📌
12 new Covid-19 positive cases confirmed at Zoram Medical College, Mizoram.
All are under professional care.#AlertYes#PanicNo #Mizoram #WeShallOvercome— Zoramthanga (@ZoramthangaCM) June 2, 2020
তেওঁলোকৰ বৰ্তমান চিকিৎসাৰ ব্যৱস্থা কৰা হৈছে।
ইয়াৰ পূৰ্বে মিজোৰামৰ একমাত্ৰ কোভিড-১৯ পজিটিভ ৰোগীজন যোৱা ৯ মে’ত সুস্থ হৈ ঘৰলৈ ওভতাৰ পাছতে ৰাজ্যখনক কৰ’না মুক্ত হিচাপে গ্ৰীণ জ’ন ঘোষণা কৰা হৈছিল।
কিন্তু দেওবাৰে দিল্লীকে ধৰি উত্তৰ ভাৰতৰ বিভিন্ন চহৰত আৱদ্ধ হৈ থকা ১,৪৩৬জন লোক মিজোৰামলৈ ঘুৰি আহিছিল।
ইয়াৰ পাছতে আজি ৰাজ্যখনত ১২ জনকৈ লোকৰ দেহত কোভিড-১৯ পজিটিভ ধৰা পৰে।
ইপিনে, মিজোৰাম চৰকাৰে দেওবাৰে অহা ৩০ জুনলৈ লকডাউন বৃদ্ধি কৰাৰ কথা ঘোষণা কৰিছে।