অসমত দিনটোত ৩৯লৈ বৃদ্ধি ক’ভিড-১৯ পজিটিভ, মুঠ আক্ৰান্ত ১৫৪ গৰাকী

ৰাজ্যত আজিৰ দিনটোতে এতিয়ালৈকে ৩৯ গৰাকীকৈ লোকক ক’ভিড-১৯ পজিটিভ পোৱা গৈছে।

এইবাৰ ১৩ গৰাকীকৈ লোকৰ দেহত ধৰা পৰিছে এই মাৰাত্মক ভাইৰাছৰ উপস্থিতি।

পজিটিভ আটাইকেইগৰাকী সৰুসজাই কুৱাৰেন্টাইন চেণ্টাৰৰ।

কিছু সময় পূৰ্বে ৰাজ্যত ৬ গৰাকী লোকৰ দেহত ধৰা পৰিছিল এই মাৰাত্মক ভাইৰাছ।

Alert – 13 new #COVID + cases detected from Sarusajai Quarantine Centre. Now the total patient count goes to 154.

In view of the rising number I earnestly request you to #StayAtHome and follow #SocialDistancing & hygiene norms.

Update 7:45 pm / May 19 pic.twitter.com/JwTrbRIuN9

— Himanta Biswa Sarma (@himantabiswa) May 19, 2020

গুৱাহাটীত ধৰা পৰা তিনিগৰাকীৰ দুগৰাকী কালি মৃত্যুক আকোৱালি লোৱা কেন্সাৰ ৰোগী গোপীন্দ্ৰ মালাকাৰৰ পত্নী আৰু জীয়ৰী।

ইয়াৰ ঠিক কিছু সময় পূৰ্বে ১৪ গৰাকী লোকৰ দেহত ধৰা পৰিছিল কোভিড-১৯ পজিটিভ।

আক্ৰান্তসকলৰ ৭ গৰাকী কামৰূপ মহানগৰ, ২ গৰাকী হোজাইৰ, দুগৰাকী বিশ্বনাথৰ, এগৰাকী নগাঁও জিলাৰ আৰু দুগৰাকী নলবাৰীৰ।

ৰাজ্যত ১৫৪ গৰাকীলৈ বৃদ্ধি পালে আক্ৰান্তৰ সংখ্যা।

টুইটাৰ যোগে এই কথা জনাইছে স্বাস্থ্যমন্ত্ৰী ডঃ হিমন্ত বিশ্ব শৰ্মাই।

বৰ্তমান ১০৭ গৰাকী লোক এই কৰনা ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ৪১ জনক চিকিৎসালয়ৰ পৰা মুক্তি দিয়া হৈছে ৷

এতিয়ালৈ চাৰিগৰাকী মৃত্যু মুখত পৰিছে ৷।

উল্লেখযোগ্য যে, আজিৰ পুৱাৰ ভাগত ২ গৰাকী যোৰহাট, ২ গৰাকী গোলাঘাট, এগৰাকী কোকৰাঝাৰ আৰু এগৰাকী নগাওঁ জিলাৰ লোকৰ দেহত এই মাৰাত্মক ভাইৰাছৰ অৱস্থিতি পোৱা গৈছিল।

যোৰহাটৰ এগৰাকী চেন্নাইৰ পৰা উভতি আহিছিল আৰু বাকী কেইগৰাকী দাৰ্জিলিঙৰ পৰা আহিছিল।

ইপিনে, কালিও গুৱাহাটীত ৭ গৰাকীৰ দেহত মাৰাত্মক ক’ৰ’ণা ভাইৰাছৰ উপস্থিতি আৰু এজনৰ মৃত্যু হৈছিল।