অসমত আজিৰ দিনটোত কোভিডে কাঢ়িলে ৪৭ গৰাকী লোকৰ প্ৰাণ, আক্ৰান্ত ৫৬২৬ গৰাকী লোক
ৰাজ্যত কোভিডৰ সংহাৰ মুঠেও কমা নাই।নৈশ সান্ধ্য আইনকে ধৰি আন বহু ব্যৱস্থা গ্ৰহণৰ পিছতো ৰাজ্যত কোভিড সংক্ৰমণ ৰোধ কৰিব পৰা হোৱা নাই।
এক কথাত ৰাজ্যৰ কোভিড পৰিস্থিতি অতি ভয়াৱহ হৈয়ে আছে । আজিৰ দিনটোতে কালান্তক কোভিডে কাঢ়ি নিছে ৪৭ গৰাকী লোকৰ প্ৰাণ।
কালি কোভিডত মৃত্যু ঘটা লোকৰ সংখ্যা আছিল ৪৬ গৰাকী।
আজিৰ দিনটোত ৰাজ্যত মাৰাত্মক ভাইৰাছবিধত আক্ৰান্ত হৈছে ৫৬২৬ গৰাকী লোক।
আজি ৬৮৩১৮ টা কোভিডৰ পৰীক্ষা সম্পন্ন কৰা হয়।
কামৰূপ মেট্ৰ’ত আজি ক’ভিডত আক্ৰান্ত হৈছে ১৫৫১ গৰাকী লোক।কোভিড পজিটিভিটিৰ হাৰ হৈছে ৮.২৪। এই সময়ছোৱাত ৰোগমুক্তিৰ হাৰ হৈছে ৮৬.৯১ শতাংশ।
Summary of 07/5/2021
Today’s Total 5626
Overall Positivity Percentage (5626 cases out of 68318 test done = 8.24%)
Kamrup(M) 1551
Death 47
Recovery Rate 86.91%— Himanta Biswa Sarma (@himantabiswa) May 7, 2021
স্বাস্থ্য মন্ত্ৰী হিমন্ত বিশ্ব শৰ্মাই প্ৰকাশ কৰা মতে কোভিড ৰোগীৰ বৰ্দ্ধিত সংখ্যালৈ চাই চিকিৎসালয়ত বিচনাৰ সংখ্যা বৃদ্ধিৰ পদক্ষেপ গ্ৰহণ কৰা হৈছে। আজি মুখ্যমন্ত্ৰী সৰ্বানন্দ সোণোৱালেও সৰুসজাইৰ কোভিড চেণ্টাৰলৈ গৈ পৰিস্থিতিৰ বুজ লয়।
পৰিস্থিতি নিয়ন্ত্ৰণৰ বাহিৰলৈ গ’লে লকডাউন দিয়াৰ বিকল্প নাথাকিব বুলি মুখ্যমন্ত্ৰীগৰাকীয়ে সাংবাদিকৰ আগত প্ৰকাশ কৰে।
ইপিনে অসমত এদিনত কোভিড আক্ৰান্তৰ সংখ্যা ১০ হাজাৰ অতিক্ৰম কৰিলে অসমৰ পৰিস্থিতিও দিল্লীৰ দৰেই হৈ পৰিব বুলি আশংকা কৰা হৈছে।
আজিৰে পৰা সমগ্ৰ নৰাজ্যত ১৮-৪৪ বছৰৰ লোকক কোভিডৰ ভেকচিন প্ৰদানৰ কাম আৰম্ভ কৰা হৈছে।