তৃতীয় ঢৌ সমাগত! দেশত পুনৰ ক’ৰ’নাৰ দৈনিক সংক্ৰমণ ৩১ হাজাৰৰ ওপৰলৈ
দেশত কোভিডৰ তৃতীয়টো ঢৌ আৰম্ভ হ’ল নেকি? এনে প্ৰশ্নই এতিয়া বহুতকে চিন্তিত কৰি তুলিছে। এনে সময়তে বিগত কিছুদিন ধৰি দেশক কোভিডত আক্ৰান্ত ৰোগীৰ সংখ্যা ৩০ হাজাৰৰ তলতে আছিল যদিও আজি সেই সংখ্যা বৃদ্ধি পোৱা পৰিলক্ষিত হৈছে।
অৱশ্যে সুখৰ কথাটো এয়াই যে দেশত আজিৰ দিনটোত সক্ৰিয় ৰোগীৰ সংখ্যাও হ্ৰাস পাইছে।
কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত মুঠ ক’ৰ’নাত আক্ৰান্ত হৈছে ৩১হাজাৰ ৯২৩ জন লোক।
আনহাতে, যোৱা ২৪ ঘণ্টাত দেশত ২৮২ জন কোভিড আক্ৰান্ত লোকৰ মৃত্যু হৈছে।
সেইদৰে, দেশত এতিয়ালৈকে মুঠ কৰ’নাত মৃত্যুৰ সংখ্যা হৈছে ৪লাখ ৪৬হাজাৰ ০৫০জন।
দেশত যোৱা ২৪ ঘন্টাত সুস্থ হৈ ঘৰলৈ ওভতা ৰোগীৰ সংখ্যা হৈছে ৩১ হাজাৰ ৯৯০জন।
Latest News:গোলাঘাটত পুনৰ পিষ্টল সহ সজীৱ গুলী উদ্ধাৰ, দুজনক গ্রেপ্তাৰ
দেশত এতিয়ালৈকে মুঠ ৩কোটি ২৮ লাখ ১৫হাজাৰ ৭৩১ জন লোক কৰ’নাৰ পৰা সুস্থ হৈ উঠিছে।
স্বাস্থ্য মন্ত্ৰ্যালয়ৰ তথ্য অনুসৰি দেশত বৰ্তমান সক্ৰিয় ৰোগীৰ সংখ্যা হৈছে ৩লাখ ০১হাজাৰ ৬০৪ জন।
ইপিনে, দেশত এতিয়ালৈকে ৮৩কোটি ৩৯ লাখ ৯০ হাজাৰ ০৪৯ জন লোকক কৰ’নাৰ ভেকচিন প্ৰদান কৰা হৈছে। ইয়াৰ ভিতৰত যোৱা ২৪ ঘন্টাত ৭১লাখ ৩৮ হাজাৰ ২০৫ জন লোকক কৰ’নাৰ ভেকচিন দিয়া হৈছে।
দেশত কৰ’নাৰ তৃতীয়টো ঢৌ আৰু ভাইৰাছৰ নতুন ভেৰিয়েন্টৰ সংক্ৰমণৰ আতংকই উদ্বিগ্নতা বৃদ্ধি কৰি ৰখাৰ মাজতে কৰ’না পৰিস্থিতি কোনো কাৰণতে উদ্বিগমুক্ত নহয় বুলি ধাৰণা কৰিছে বিশেষজ্ঞসকলে।