অসমত ১৪৪০ নতুন ক’ভিড আৰোগ্য; সক্ৰিয় ৰোগী ২০,৯৯২

১৪৪০গৰাকী ব্যক্তিয়ে অসমত ক’ভিড১৯ৰ পৰা আৰোগ্য হৈ শনিবাৰে চিকিৎসালয় এৰিছে।

এইসকলক ধৰি অসমত এতিয়ালৈকে ক’ভিডৰ পৰা আৰোগ্য লাভ কৰা ব্যক্তিৰ সংখ্যা ৮২,৫১০লৈ বৃদ্ধি পাইছে।

অসমত বৰ্তমান সক্ৰিয় ক’ভিড ৰোগীৰ সংখ্যা হৈছে ২০,৯৯২ (।)

আনহাতে আৰু তিনিগৰাকী ক’ভিড ৰোগীয়ে অসমত প্ৰাণ হেৰুৱাইছে, শনিবাৰলৈকে মুঠ মৃতকৰ সংখ্যা ২৮৯লৈ বৃদ্ধি পাইছে।

স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য সদৰী কৰিছে।

ইপিনে ২৪২৭গৰাকী ব্যক্তি অসমত শনিবাৰে ক’ভিড১৯ পজিটিভ চিনাক্ত হৈছে।

টেষ্টৰ তুলনাত পজিটিভৰ হাৰ ৬.৫৮ শতাংশলৈ বৃদ্ধি পাইছে। শুকুৰবাৰে এই হাৰ আছিল ৬.৩৮ শতাংশ।

যোৱা ২৪ ঘণ্টাত ৩৬,৮৩৯টা টেষ্টত এইসকল ব্যক্তিক পজিটিভ পোৱা গৈছে।

? Discharge Alert

1⃣4⃣4⃣0⃣ discharge today

8 out of 10 patients are back home & as we strive to contain the spread, we request that you help our testing drive by volunteering. ?

?Total Discharged Patients: 82510
?Active Patients: 20992

10:50 PM /Aug 29#AssamFightsCovid pic.twitter.com/tklW3RNWJv

— Himanta Biswa Sarma (@himantabiswa) August 29, 2020

পজিটিভসকলৰ ভিতৰত আছে কামৰূপ মহানগৰৰ ৪৫৯, ডিব্ৰুগড়ৰ ১৭৭, কাছাৰৰ ১৫৮ আৰু যোৰহাটৰ ১৩৬গৰাকী ব্যক্তি।

অসমত এতিয়ালৈকে চিনাক্ত মুঠ ক’ভিড আক্ৰান্তৰ সংখ্যা ১,০৩,৭৯৪ (।)

ইয়াৰে তিনিগৰাকী আন ঠাইলৈ স্থানান্তৰিত হৈছে।