ক’ভিড১৯: দুর্গা পূজা সমিতিৰ সৈতে বোকাখাত প্ৰশাসনৰ বৈঠক

কভিড১৯ৰ ভয়াবহ গন সংক্ৰামনৰ প্রতি লক্ষ্য ৰাখি অসম চৰকাৰে দুর্গা পূজা উদযাপন সন্দৰ্ভত জাৰি কৰা নীতি নির্দেশনা সন্দৰ্ভত আলোচনা কৰিবৰ বাবে আজি বোকাখাতৰ মহকুমাধিপতি কাৰ্যালয়ৰ সভাকক্ষত মহকুমাধিপতি বিপুল দাসৰ পৌৰোহিত্যত এখনি জৰুৰী সভা অনুষ্ঠিত হয়।

বোকাখাত মহকুমাৰ বিভিন্ন পূজা সমিতি সমূহৰ বিষয়ববীয়াৰ উপস্থিতিত অনুষ্ঠিত এই সভাত মহকুমাধিপতি গৰাকীয়ে চৰকাৰে দুর্গা পূজা কমিতি সমূহৰ বাবে ধার্য্য কৰা নির্দেশাৱলী সমূহৰ বিষয়ে বিশদভাৱে দাঙি ধৰে।

কভিড১৯ৰ গন সংক্ৰমনৰ প্ৰতি লক্ষ্য ৰাখি গত বৰ্ষৰ দৰে এইবাৰ দুর্গা পূজাস্থলীৰ কাষত কোনোধৰণৰ মেলাৰ আয়োজন কৰিব নোৱাৰিব বুলি তেওঁ জনায়।

চৰকাৰী নিৰ্দেশ মতে ৰাস্তাৰ কাষত অস্থায়ী পূজা মণ্ডপ বনাব নোৱাৰিব।

পূজা মণ্ডপৰ ভিতৰত সামাজিক দূৰত্ব বর্তাই অতি বেছি ২০ জন ভক্তহে প্ৰৱেশ কৰিব পাৰিব।

পূজা মণ্ডপৰ ভিতৰত সোমোৱাৰ সময়ত মুখত মাস্ক পৰিধান কৰা আৰু হাত ধোৱা বাধ্যতামূলক হ’ব।

প্রতিমা বিসর্জনৰ কার্যসূচীত কেৱল ৫ জন ব্যক্তিয়েহে অংশ গ্ৰহণ কৰিব পাৰিব।

প্রতিটো পূজা মণ্ডপত থার্মেল স্কেণাৰ থাকিব লাগিব।

যিকোনো ব্যক্তিৰ গাত চর্দি অথবা কাঁহ আদিৰ লক্ষণ দেখা পালে পূজা কমিতিৰ কর্মকর্তাই ততালিকে ওচৰৰ স্বাস্থ্যকেন্দ্রৰ লগত যোগাযোগ কৰিব লাগিব বুলি মহকুমাধিপতি গৰাকীয়ে উপস্থিত সকলোকে অৱগত কৰে৷

লগতে সাৱধানতা অৱলম্বন কৰি স্বাস্থ্য সম্বন্ধীয় সকলো নীতি নির্দেশনাৰ মাজেৰে বোকাখাতত দুর্গা পূজা উদযাপন কৰিবলৈ আহ্বান জনায়।