বহাগৰ প্ৰথম দিনটোতে মাওবাদীৰে সংঘৰ্ষত চহিদ হ’ল অসমৰ বিশ্বজিৎ
ৰঙালী বিহুৰ আনন্দ উল্লাসত অসমৰ ৰাইজ ব্যস্ত হৈ থকাৰ মাজতে আজি পুৱা ঝাৰখণ্ডৰ নক্সাল অধ্যুষিত গিৰিডীহত মাওবাদীৰ সৈতে হোৱা সংঘৰ্ষত অসমৰ এগৰাকী জোৱান চহিদ হ’ব লগীয়া হ’ল।
প্ৰাপ্ত তথ্য মতে আজি পুৱা প্ৰায় ৬ বজাত গিৰিডীহ জিলাৰ বেলভা ঘাট অঞ্চলৰ ঘন জংঘলত চি আৰ পি এফৰ ৭নং বেটেলিয়নে অভিযান চলাই থকাৰ সময়ত সংঘটিত সংঘৰ্ষত বিশ্বজিৎ চৌহান (২৪) নামৰ জোৱানজনে প্ৰাণ হেৰুৱায়।
উক্ত সংঘৰ্ষটোত অসমৰ জোৱানজনৰ লগতে ৩ গৰাকী মাওবাদী বিদ্ৰোহীও নিহত হয়।
চি আৰ পি এফ কৰ্তৃপক্ষই প্ৰকাশ কৰা তথ্য অনুসৰি চহিদ বিশ্বজিৎ চৌহানৰ ঘৰ অসমৰ ওদালগুৰি জিলাৰ কলাইগাঁও আৰক্ষী চকীৰ অন্তৰ্গত পুঠিমাৰী গাঁৱত। কমল চৌহানৰ প্ৰথম সন্তান বিশ্বজিতে চাৰি বছৰ পূৰ্বে চি আৰ পি এফত যোগদান কৰিছিল।
সংঘৰ্ষস্থলীৰ পৰা চি আৰ পি এফে মাওবাদী ৩ গৰাকীৰ মৃতদেহৰ লগতে এটা এ কে-৪৭ ৰাইফল, তিনিটা মেগজিন আৰু চাৰিটা পাইপ বোমা উদ্ধাৰ কৰিছে।
উল্লেখযোগ্য যে যোৱা ৪ এপ্ৰিলত ছত্তীশগড়ৰ কানকেৰ জিলাত মাওবাদীৰ সৈতে হোৱা এক সংঘৰ্ষত বিপুল বৰা নামৰ শিৱসাগৰ জিলাৰ বি এছ এফৰ এজন জোৱানে প্ৰাণ হেৰুৱাইছিল।
You may also like
ছ’চিয়েল মিডিয়াত প্ৰধানমন্ত্ৰী, গৃহমন্ত্ৰী সম্পৰ্কত অসন্মানজনক প’ষ্ট কৰা কংগ্ৰেছ কৰ্মীক আটক
দেশৰ প্ৰধানমন্ত্ৰী নৰেন্দ্ৰ মোদী আৰু কেন্দ্ৰীয় গৃহমন্ত্ৰী অমিত শ্বাহ সম্পৰ্কত ফেচবুকত অসন্মানজনক প’ষ্ট শ্বেয়াৰ কৰা কাছাৰ জিলাৰ এগৰাকী কংগ্ৰেছ কৰ্মীক বৃহস্পতিবাৰে আৰক্ষীয়ে…
ক’ৰ’নাৰ দ্বিতীয় পৰ্যায়ৰ সংক্ৰমণৰ আতংকত আজিৰ পৰা ইংলেণ্ডত চাৰিসপ্তাহৰ বাবে পুনৰ আৰম্ভ হ’ল ল’কডাউন
ক’ৰ’না ভাইৰাছৰ সংক্ৰমণ ৰোধ কৰাৰ বাবে বৃহস্পতিবাৰে ইংলেণ্ডত দ্বিতীয় বাৰৰ বাবে ল’কডাউন ঘোষণা কৰা হয়। বৃহস্পতিবাৰে ইংলেণ্ডৰ নীতি নিৰ্ধাৰক সকলে চাৰি সপ্তাহৰ…
একেৰাহে তৃতীয়বাৰৰ বাবে অৰুণাচল প্ৰদেশৰ মুখ্যমন্ত্ৰী হিচাপে শপত গ্ৰহণ কৰিলে পেমা খাণ্ডুৱে
বৃহস্পতিবাৰে ইটানগৰৰ ডি কে ষ্টেট কনভেনচন চেণ্টাৰত অনুষ্ঠিত এক অনুষ্ঠানত পেমা খাণ্ডুৱে একেৰাহে তৃতীয়বাৰৰ বাবে অৰুণাচল প্ৰদেশৰ মুখ্যমন্ত্ৰী হিচাপে শপত গ্ৰহণ কৰে।…
অসমত বিজেপিৰ ভেটি মজবুত; ২১’ত নতুন আঞ্চলিক দলে কোনো প্ৰভাৱ নেপেলায় : বিজেপিৰ ৰাষ্ট্ৰীয় প্ৰভাৰী
‘অসমত বিজেপিৰ স্থিতি বহুত মজবুত। ৰাজ্যত সৃষ্টি হোৱা সৰু সৰু আঞ্চলিক দলে বিজেপিৰ ওপৰত কোনো প্ৰভাৱ নেপেলায়।‘ শ্ৰীমন্ত শংকৰদেৱ কলাক্ষেত্ৰত এক সংবাদমেল…