নৱম স্থান দখলেৰে দিন-হাজিৰা কৰা পিতৃ-মাতৃৰ মুখত হাঁহি বিৰিঙালে ধুবুৰীৰ মানিক ৰয়ে

সদ্য ঘোষিত উচ্চতৰ মাধ্যমিকৰ চূড়ান্ত বৰ্ষৰ ফলাফলত ধুবুৰীৰ গোলকগঞ্জৰ এটা দিন হাজিৰা কৰি পৰিয়ালৰ মেধাৱী সন্তান মানিক ৰয়ে কলা শাখাত ৰাজ্যৰ ভিতৰতে নৱম স্থান দখল কৰি ধুবুৰীলৈ গৌৰৱ কঢ়িয়াই আনিবলৈ সক্ষম হয়।

মানিক ৰয়ৰ পিতৃ মনোজ ৰয় আৰু মাক দিপ্তী ৰয়ে দিন হাজিৰা কৰি অতি কষ্টৰে মানিকক পঢ়াইছিল। পিতৃ-মাতৃ দুয়োৰে সপোন মানিকক এদিন ডাঙৰ মানুহ কৰাৰ।

মানিক ৰয়ে ইংৰাজীত ৮৮, অসমীয়াত ৯৩, ৰাজনীতি বিজ্ঞানত ৯৬, এডুকেশ্যনত ৯৩ আৰু হিস্ত্ৰীত ৯৬, মুঠ ৪৬৬ নম্বৰ লাভ কৰি ৰাজ্যৰ ভিতৰত নৱম স্থান দখল কৰে।

‘মোৰ দেউতাই কোনোমতে দিন হাজিৰা কৰি আমাৰ পৰিয়ালৰ সদস্য চাৰিজনৰ দুবেলা দুসাজ যোগাৰ কৰে। দেইতাৰ উপাৰ্জন সদায় নাথাকে। সেই কাৰণে ঘৰুৱা টিউচন লোৱাৰ প্ৰশ্নই নুঠে। মই কলা শাখাত আজমল ফাউণ্ডেশ্যনৰ সহায় অধ্যয়ন কৰিলো।’ নৱম স্থান দখল কৰা মানিক ৰয়ৰ মন্তব্য।

তাৰোপৰি মানিক ৰয়ে কয় যে, ‘আজমল ফাউণ্ডেশ্যনে মোক ১০০ শতাংশ জলপানি প্ৰদান কৰি সহায় কৰাৰ বাবে ধন্যবাদ দিব বিচাৰো।’