ঋণ বিচৰা গ্ৰাহকক ব্লেকমেইল কৰি ৫০০ কোটি টকা সৰকোৱা চক্ৰ উৎখাত; ২২ জনক গ্ৰেপ্তাৰ দিল্লী আৰক্ষীৰ

Delhi Police busts extortion scam ভয়াবহ কাণ্ড। বিচাৰিলেই ঋণ দিয়া হৈছিল আৰু সেই ঋণ দিয়াৰ পৰিৱৰ্তে কাঢ়ি লোৱা হৈছিল গোপন তথ্য। তাৰ পিছত গ্ৰাহকজনক ব্লেকমেইল কৰা হৈছিল আৰু টকা ‘সৰকাই’ নিয়া হৈছিল। সেইটো আছিল সূতসহ ঋণতকৈও বহুত বেছি পৰিমানৰ টকা। দেশত এনেদৰেই চলি আছিল এই চক্ৰটো।

চীনত বহি কেইজনমান চীনা নাগৰিকে তাৰ পৰাই পৰিচালনা কৰিছিল এই চক্ৰটো। এইদৰে চক্ৰটোৱে ৫০০ কোটি টকা সৰকাইছিল। অৱশেষত দিল্লী আৰক্ষীয়ে তেওঁলোকক বিচাৰি উলিয়াইছে। যোৱা দুমাহত অভিযান চলাই ২২ জন লোকক গ্ৰেপ্তাৰ কৰা হৈছে।

লগতে পঢ়ক: সৰ্বনাশ কাণ্ড! ৱেব চিৰিজ চাই বন্দুক ক্ৰয় কৰিলে এজন কিশোৰে; বন্ধুবৰ্গক ভয় খুৱাবলৈ গৈ হ’ল গ্ৰেপ্তাৰ

আৰক্ষীয়ে জনোৱা অনুসৰি ধনখিনি আত্মসাৎ কৰাৰ পিছত হাৱালাৰ জৰিয়তে চীনলৈ সেই ধন চোৰাংকৈ প্ৰেৰণ কৰা হৈছিল।

অভিযোগকাৰীসকলে জনাইছিল যে কোম্পানীটোৱে উচ্চ সূতৰ হাৰত ঋণ দিছিল। ইয়াৰ পৰিৱৰ্তে গোপনীয় তথ্য, ফটো, নথিপত্ৰ গ্ৰাহকৰ পৰা লোৱা হৈছিল। গ্ৰাহকসকলক বিশেষ এপৰ জৰিয়তে বাৰ্তা আৰু চ্যাটৰ সুবিধা দিয়া হৈছিল। এই সকলোবোৰ তথ্য চীন আৰু হংকঙৰ চাৰ্ভাৰত আপলোড কৰা হৈছিল।

আটাইতকৈ ভয়াবহ কথাটো হৈছে যেতিয়া গ্ৰাহকসকলে ঋণৰ ধন পৰিশোধ কৰিছিল তেতিয়া তেওঁলোকক মৰ্ফ কৰা নগ্ন ছবিবোৰ দেখুৱাই ব্লেকমেইল কৰা হৈছিল। সামাজিক মান-সন্মান ৰক্ষাৰ বাবে গ্ৰাহকসকলে টকা দিববলৈ বাধ্য হৈছিল।

লগতে পঢ়ক: গাত ঘহি ল’লে বাটৰ কচু! আৰক্ষীক গালি দিবলৈ ১২,০০০ বাৰ ফোন! গ্ৰেপ্তাৰ মহিলা

দিল্লী আৰক্ষীয়ে জনায় যে কিছুমান গ্ৰাহকে মাত্ৰ ১০,০০০ টকাৰ ঋণ লৈ ১ লাখ টকালৈকে পৰিশোধ কৰিবলৈ বাধ্য হৈছিল। চক্ৰটোৱে দিল্লী, কৰ্ণাটক আৰু উত্তৰ প্ৰদেশত জাল পেলাইছিল। আৰক্ষীয়ে গ্ৰেপ্তাৰ কৰা ২২ জনৰ ভিতৰত দুগৰাকী মহিলাও আছে।