দিল্লী-লণ্ডন বাছ সেৱা; ২০২১ চনত আৰম্ভ হ’ব বিশ্বৰ ভিতৰত দীঘলীয়া বাছ সেৱা

গুৰুগাঁৱৰ এটা টুৰিজিম কোম্পানীয়ে দিল্লীৰ পৰা লণ্ডনলৈ বিশ্বৰ ভিতৰত দীঘলীয়া বাছ সেৱাৰ কথা ঘোষণা কৰিছে।

‘‘বিশ্বৰ দীঘলীয়া বাছ যাত্ৰা, মে’ ২০২১’’ কোম্পানীটোৱে তেওঁলোকৰ বিভাগীয় ইষ্টাগ্ৰামত এইদৰে লিখে।

অহা বছৰ ভাৰতে ৭৫ সংখ্যক স্বাধীনতা দিৱস উদযাপন কৰাৰ সময়তে এই ঐতিহাসিক দিল্লী-লণ্ডন বাছ সেৱা আৰম্ভ কৰা হ’ব বুলি টুৰিজিম কোম্পানীটোৱে জানিবলৈ দিয়ে।

কোম্পানীটোৱে নিজৰ ৱেবচাইটত এই বাছ যাত্ৰাৰ সময়ত যাত্ৰী সকলৰ বাবে ম্যানমাৰ, চীন, উজবেকিস্তান, কাজাখাস্তান, ৰাছিয়া আদিৰ লগতে উইৰোপিয় দেশসমূহৰ উল্লেখযোগ্য পৰ্যটন স্থান সমূহ দৰ্শনৰ ব্যৱস্থা সামৰি ল’ব।

টুৰিজিম কোম্পানীটোৱে উল্লেখ কৰা অনুসৰি যাত্ৰী সকলৰ সৈতে বাছখনে লণ্ডনত উপস্থিত হোৱাৰ পাছত ই পুনৰ একেপথেৰে উভতি আহিব।

কোম্পানীটোৱে এই ঐতিহাসিক বাছ যাত্ৰাৰ পূৰ্বে বাছে যাত্ৰা কৰিবলগীয়া পথৰ নক্সাও প্ৰকাশ কৰিছে য’ত বাছ কোন কোন ঠাইত ৰ’ব ইত্যাদি বিষয় সন্নিবিষ্ট কৰা হৈছে।

দিল্লী আৰু লণ্ডনৰ মাজত আৰম্ভ হ’বলগীয়া বাছ যাত্ৰাৰ পূৰ্বে ইয়াক লৈ বিভিন্ন লোকে এই যাত্ৰাৰ বাবে আগ্ৰহ প্ৰকাশ কৰা দেখা গৈছে।