কলেজৰ গেটৰ সন্মুখতে সহপাঠীক ছুৰীকাঘাত কৰি হত্যা! নেপথ্যত প্ৰেমিকা

প্ৰেমিকাক লৈ বিবাদ। এসপ্তাহৰ পিছত ৰাজহুৱা স্থানত দিনৰ পোহৰতে হত্যা কৰা হ’ল ছাত্ৰক। তাকো কলেজৰ সন্মুখতে। দেওবাৰে দিল্লী বিশ্ববিদ্যালয়ৰ আৰ্যভট্ট কলেজৰ সন্মুখত নিখিল চৌহান নামৰ এজন ১৯ বছৰীয়া ছাত্ৰক ছুৰীকাঘাত কৰি হত্যা কৰা হয়। ইতিমধ্যে আৰক্ষীয়ে অভিযুক্তক চিনাক্ত কৰিছে।

বাতৰি অনুসৰি, সেই বিশ্ববিদ্যালয়ৰে আন এজন ছাত্ৰই নিখিলক হত্যা কৰিছে। এসপ্তাহ আগতে তেওঁলোকৰ মাজত কাজিয়া হৈছিল। সেই ঘটনাৰ প্ৰতিশোধ ল’বলৈ দেওবাৰে নিখিলক ছুৰীকাঘাত কৰি হত্যা কৰে অভিযুক্তই।

লগতে পঢ়ক: কেলেংকাৰীয়ে জোকাৰিছে কেদাৰনাথ! স্বয়ং পুৰোহিতেই কৰিলে ফাদিল; উত্তাল দেৱভূমি

আৰক্ষীৰ সূত্ৰ অনুসৰি, ১৯ বছৰীয়া নিখিল দিল্লী বিশ্ববিদ্যালয়ৰ স্কুল অৱ অ’পেন লাৰ্নিঙত ভৰ্তি হৈছিল। দিল্লীৰ পশ্চিম বিহাৰৰ বাসিন্দা নিখিল আছিল ৰাজনীতি বিজ্ঞানৰ স্নাতক শাখাৰ প্ৰথম বৰ্ষৰ ছাত্ৰ।

দেওবাৰে আৰ্য্যভট্ট কলেজলৈ ক্লাছ কৰিবলৈ আহিছিল। সেই সময়ত চাৰিজন যুৱকে তেওঁক আক্ৰমণ কৰে। মূল অভিযুক্তই পকেটৰ পৰা ছুৰী উলিয়াই নিখিলৰ শৰীৰত উপৰ্যুপৰি ছুৰীৰে আঘাত কৰিবলৈ ধৰে। ৰক্তাক্ত অৱস্থাত নিখিল মাটিত পৰি যোৱাৰ পিছত অভিযুক্তই পলায়ন কৰে।

পিছত স্থানীয় ৰাইজে যুৱকজনক উদ্ধাৰ কৰি মতি বাগৰ চৰক পালিকা চিকিৎসালয়লৈ লৈ যায়। তাতে চিকিৎসকে তেওঁক মৃত ঘোষণা কৰে।

লগতে পঢ়ক: ‘যোগী-হিমন্তই ক্ষমা খুজিব লাগিব’; আদিপুৰুষক লৈ বিজেপিৰ মুখ্যমন্ত্ৰীসকলক আক্ৰমণ শিৱসেনাৰ

জানিব পৰা মতে, এসপ্তাহ পূৰ্বে অভিযুক্ত যুৱকজনৰ সৈতে নিখিলৰ কাজিয়া হৈছিল। অভিযুক্ত ছাত্ৰগৰাকীয়ে নিখিলৰ প্ৰেমিকাক লৈ অসৎ আচৰণ কৰাৰ ফলত দুয়োৰে মাজত কাজিয়াৰ সৃষ্টি হয়। সেই ঘটনাৰ প্ৰতিশোধ ল’বলৈ অভিযুক্তই আহি দেওবাৰে লগৰ তিনিজনৰ সৈতে কলেজৰ সন্মুখত ৰৈ আছিল। নিখিল আহি পোৱাৰ লগে লগে তেওঁক আক্ৰমণ কৰি উপৰ্যুপৰি ছুৰীকাঘাত কৰে।

আৰক্ষীৰ তথ্য অনুসৰি, ইতিমধ্যে অভিযুক্তক চিনাক্ত কৰা হৈছে। অঞ্চলটোৰ চিচিটিভি ফুটেজ পৰীক্ষা কৰি তদন্তৰ কাম আৰম্ভ কৰিছে। অভিযুক্তক গ্ৰেপ্তাৰ কৰিবলৈ এটা বিশেষ দল গঠন কৰা হৈছে।

লগতে পঢ়ক: চাণক্যৰ দুটা সৰু পৰামৰ্শ; জীৱনত আৰু আধৰুৱা নহ’ব আকাশলংঘী সফলতা

আনহাতে, নিখিলৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে। প্ৰতিবেদন লাভ কৰাৰ পিছত মৃতদেহ পৰিয়ালক গতাই দিয়া হ’ব।