নৱবৰ্ষত সুখ-শান্তি বিচাৰি টীয়কৰ ঐতিহাসিক ঢেকীয়াখোৱা বৰনামঘৰত ভক্তৰ ভিৰ

আজি নৱবৰ্ষৰ প্ৰথম দিন বছৰটো যাতে সুখে শান্তিৰে ভবা মতে পাৰ কৰিব পাৰি তাৰ অৰ্থে আজি পুৱাৰে পৰা অসমৰ বিভিন্ন মঠ-মন্দিৰসমূহত ভক্তই ভিৰ কৰা পৰিলক্ষিত হৈছে।

এইক্ষেত্ৰত ব্যতিক্ৰম নহয় টীয়কৰ ঐতিহাসিক মাধৱদেৱ প্ৰতিষ্ঠিত ঢেকীয়াখোৱা বৰনামঘৰো।

এই ঢেকীয়াখোৱা বৰনামঘৰতো নৱবৰ্ষ বুলি পুৱাৰে পৰা বিশেষকৈ উজনি অসমৰ বহু লোকৰ সমাগম হোৱা পৰিলক্ষিত হৈছে।

বছৰটো যাতে কুশলে যায় তাৰ কামনাৰে হাতে হাতে ধূপ নবৈদ্য চাকি শৰাই লৈ ভগৱানৰ ওচৰত প্ৰাৰ্থনা জনাইছে ভক্তসকলে।

উল্লেখযোগ্য যে যি সময়ত আজিৰ প্ৰজন্ম উশৃংখল বুলি সততে সমালোচনাৰ সন্মুখীন হব লগা হৈছে তেনে সময়তে এইবাৰ কিন্তু বহু যুৱপ্ৰজন্মই বনভোজস্থলীৰ পৰিবৰ্তে নামঘৰলৈ ধাৱমান হোৱা পৰিলক্ষিত হৈছে।

স্বাভাৱিকতে অনাগত দিনত যুৱপ্ৰজন্মৰ জীৱন যাত্ৰাত এক সঠিক বাট প্ৰদৰ্শন হ’ব বুলি আশা প্ৰকাশ কৰিছে সচেতন মহলে।