বলীউদৰ ড্ৰাগছ কাণ্ডত শ্ৰদ্ধা, ছাৰা, ৰাকুল প্ৰীত আৰু দীপিকাৰ পাছত এইবাৰ দিয়া মিৰ্জাৰ নাম

বলীউদৰ অভিনেতা সুশান্ত সিং ৰাজপুতৰ মৃত্যুৰ তদন্তত কেন্দ্ৰীয় অনুসন্ধান সংস্থা চিবিআইয়ে বলীউদৰ সৈতে ড্ৰাগছৰ সম্পৰ্কত উদ্ধাৰ কৰিছিল।

ইয়াৰ পাছতে পৃথকে গোচৰ ৰুজু কৰি ইয়াৰ তদন্ত আৰম্ভ কৰে নাৰক’টিকছ কন্ট্ৰ’ল ব্যুৰোই(এন চি বি)।

এই সংক্ৰান্তত ইতিমধ্যে গ্ৰেপ্তাৰ কৰা হৈছে ৰিয়া চক্ৰৱৰ্তী, সৌভিক চক্ৰৱৰ্তীকে ধৰি ১৮জনকৈ লোকক।

ড্ৰাগছ কাণ্ডত জড়িত হৈ পৰা বলীউদৰ তালিকাখন ক্ৰমে দীঘল হৈ আহিছে।

তালিকাত ছাৰা আলী খান, ৰাকুল প্ৰীত সিং, শ্ৰদ্ধা কাপুৰ, দীপিকা পাডুকনৰ পাছত এই নাম আহি পৰিছে দিয়া মিৰ্জাৰ।

বাতৰি অনুসৰি, দীপিকাৰ পাছত এইবাৰ দিয়া মিৰ্জাকো জেৰাৰ বাবে এন চি বিয়ে চমন পঠিয়াবলৈ সাজু হৈছে।

ড্ৰাগছ সৰবৰাহকাৰী অংকুশ আৰু অনুজ কেশৱানিক জেৰা কৰা সময়ত দিয়া মিৰ্জাৰ নাম প্ৰকাশ পোৱাৰ কথা এনচিবিৰ তদন্তকাৰী বিষয়াই জানিবলৈ দিছে।

সূত্ৰ অনুসৰি, অনুজৰ প্ৰেমিকা হৈছে দিয়া মিৰ্জাৰ মেনেজাৰ আৰু তেওঁৱেই দিয়াক সময়মতে ড্ৰাগছ আনি দিছিল। ২০১৯ৰ পৰাই এই লেনদেন চলা বুলি কোৱা হৈছে।

জানিব পৰা মতে, দিয়া মিৰ্জাৰ মেনেজাৰক প্ৰথমে মাতি পঠোৱা হৈছে আৰু ইয়াৰ পাছতেই অভিনেত্ৰীগৰাকীক মাতি পঠোৱা হ’ব।