গুৱাহাটীৰ প্ৰগতি এডুটেকৰ উদ্যোগত বিচিপিএলৰ সামাজিক দায়বদ্ধতা আঁচনিৰ অধীনত প্ৰশিক্ষণপ্ৰাপ্ত ৭৫ যুৱক-যুৱতীৰ মাজত নিযুক্তিপত্ৰ বিতৰণ
ডিব্ৰুগড়স্থিত ব্ৰহ্মপুত্ৰ ক্ৰেকাৰ এণ্ড পলিমাৰ লিমিটেড চমুকৈ বিচিপিএলৰ সামাজিক দায়বদ্ধতা আঁচনিৰ অধীনত গুৱাহাটীৰ চিৰিয়াখানা পথস্থিত প্ৰগতি এডুটেকত ‘ট্যুৰিজিম এণ্ড হস্পিটেলিটি মেনেজমেন্ট’ৰ বিনামূলীয়া প্ৰশিক্ষণ সামৰা মুঠ ৭৫ গৰাকী নিবনুৱা যুৱক-যুৱতীৰ মাজত নিযুক্তি পত্ৰ বিতৰণ কৰা হয় ।
প্ৰগতি এডুটেকত আজি আয়োজিত এক গাম্ভীৰ্যপূৰ্ণ অনুষ্ঠানত বিচিপিএলৰ পৰিচালন সঞ্চালক ৰিপ হাজৰিকাই প্ৰশিক্ষণপ্ৰাপ্ত এই ৭৫ গৰাকী যুৱক-যুৱতীক আন্তৰ্জাতিক মানদণ্ডৰ পঞ্চতাৰকাযুক্ত প্ৰতিষ্ঠান তাজ, হায়ট, লা-মেৰিডিয়ান, চেৰাটন আদিৰ বিপৰীতে নিযুক্তি-পত্ৰ প্ৰদান কৰে । প্ৰগতি এডুটেকৰ অন্যতম সঞ্চালক সুজয় বৰুৱাই আঁত ধৰা এই অনুষ্ঠানত নিযুক্তি-পত্ৰ লাভ কৰা যুৱক-যুৱতীসকলৰ উজ্বল ভৱিষ্যতৰ কামনা কৰি দিয়া ভাষণত বিচিপিএলৰ পৰিচালন সঞ্চালকগৰাকীয়ে এনে কাৰ্যসূচীয়ে সমাজৰ আৰ্থিকভাৱে দুৰ্বল শ্রেণীটোৰ আৰ্থ-সামাজিক দিশত যুগাত্মক প্ৰভাৱ পেলাব বুলি মন্তব্য কৰে ।
লগতে পঢ়কঃ চুইছ মাছাজ চেম্পিয়নশ্বিপত ৰূপ আৰু ব্ৰঞ্জৰ পদক লাভ কৰিলে অসম কন্যা অনামিকা বৰ্মন দাসে
বিচিপিএলৰ জ্যেষ্ঠ পৰিচালক (মাৰ্কেটিং) স্বডিক মহাতিয়েও কাৰ্যসূচীটোৰ সফলতাত বিশেষকৈ নিবনুৱা যুৱক-যুৱতীসকলে কৰ্ম সংস্থাপন লাভ কৰাত সন্তোষ প্ৰকাশ কৰে ।
উল্লেখযোগ্য যে বিচিপিএলৰ এই সামাজিক দায়বদ্ধতা আঁচনিখনে পৰৱৰ্তী সময়তো অনুৰূপ কাৰ্যসূচী গ্ৰহণেৰে নিবনুৱা যুৱক-যুৱতীক সংস্থাপনৰ লক্ষ্যৰে ধাৰাবাহিকতা ৰক্ষা কৰি যাব বুলি সকলোৱে আশা ব্যক্ত কৰিছে ।
বিচিপিএলৰ সামাজিক দায়বদ্ধতা আঁচনিৰ অধীনত নিশ্চিত কৰ্মসংস্থাপন প্ৰদানৰ এই বিনামূলীয়া প্ৰশিক্ষণ আগবঢ়াই অহা প্ৰগতি এডুটেকৰ দুই সঞ্চালক ক্ৰমে সুজয় বৰুৱা আৰু সঞ্জিৎৰাজ চৌধুৰীয়েও নিযুক্তি-পত্ৰ লাভ কৰা যুৱক-যুৱতীসকলক উদ্দেশ্যি শুভেচ্ছামূলক বক্তব্য ৰাখে ।
লগতে পঢ়কঃ ইউৰিয়াকে ড্ৰাগছ বুলি কৰা হৈছিল গ্ৰেপ্তাৰ : DGP ক ১০ লাখ টকাৰ জৰিমণা বিহিলে ন্যায়ালয়ে
You may also like
“শ্বাৰদ পাৱাৰে ইউপিএৰ নেতৃত্ব ল’ব লাগে” : শিৱসেনাৰ সাংসদ সঞ্জয় ৰাউট
শিৱ সেনাৰ সাংসদ সঞ্জয় ৰাউটে শনিবাৰে কয় যে এনচিপিৰ জ্যেষ্ঠ নেতা শ্বাৰদ পাৱাৰে সংযুক্ত প্ৰগতিশীল মৰ্চাৰ (ইউনাইটেড প্ৰগ্ৰেছিভ এলায়েঞ্চ) অধ্যক্ষৰ পদ গ্ৰহণ…
দেশত ক’ৰ’নাই গঢ়িলে নতুন অভিলেখ; ২৪ ঘণ্টাত ৮৩,৮৮৩ গৰাকী আক্ৰান্ত
আজি স্বাস্থ্য মন্ত্ৰ্যালয়ে জানিব দিয়া মতে, ভাৰতত বিগত ২৪ ঘণ্টাত ৮৩,৮৮৩ গৰাকী লোক ক’ৰ’নাত আক্ৰান্ত হৈছে। আনহাতে যোৱা ২৪ ঘণ্টাত মৃত্যু হৈছে ১,০৪৩…
ৰাষ্ট্ৰপতিৰ বঁটাৰে বিভূষিত বোকাখাতৰ বাপুৰাম হাজৰিকাৰ মৃত্যু
বোকাখাতৰ ম’হমাইকী গাঁৱৰ নিৱাসী সমাজকৰ্মী প্ৰয়াত যোগাই হাজৰিকাৰ তৃতীয় সন্তান বাপুৰাম হাজৰিকাৰ (বোপাই) ৭৬ বছৰ বয়সত বৃহস্পতিবাৰে পুৱতি নিশা নিজা বাসগৃহত মৃত্যু…
‘বেলেগৰ ইজ্জত লৈ আজি তেওঁ সাংসদ হৈছে, টকা-পইচা গোটাইছে’; কোনে কাক উদ্দেশ্যি ক’লে এই কথা?
বেলেগৰ ইজ্জত লৈ আজি তেওঁ সাংসদ হৈছে, টকা-পইচা গোটাইছে। কিন্তু আজিলৈকে এদিনো মোৰ খবৰ লোৱা নাই। মোক লৈ তেওঁ সাংসদ হৈছে, বিধায়ক…