আয় দেখি আচৰিত মূৰে কঁপালে হাত ডাক্তৰ-ইঞ্জিনিয়াৰৰ! কেৱল কাপোৰ ইস্ত্ৰি কৰিয়েই মাহে ৩ লাখ টকা উপাৰ্জন এইজন ব্যক্তিৰ

বৰ্তমান সময়ত চৰকাৰী চাকৰি বা বহুজাতিক কোম্পানীত কাম কৰি নিৰাপদ ভৱিষ্যত গঢ়াৰ বাবে বহু শিক্ষিত যুৱক-যুৱতীয়ে দিনে-নিশাই যুঁজ দি থকা দেখা যায়। কিন্তু আমাৰ চাৰিওফালে থকা কিছুমান সাধাৰণ যেন লগা পেচাত যিমান লাভ লুকাই থাকে, সেয়া বহুতৰে কল্পনাৰো অগোচৰ।

শেহতীয়াকৈ সামাজিক মাধ্যমত এহাল দম্পতীৰ উপাৰ্জনৰ কাহিনীয়ে সকলোকে আচৰিত কৰি তুলিছে। এখন সৰু কোঠাত ড্ৰাই ক্লিনিং আৰু ইস্ত্ৰিৰ দোকান দি এই দম্পতীয়ে মাহে প্ৰায় ৩ লাখ টকা উপাৰ্জন কৰি আহিছে। এজন দহ বছৰীয়া অভিজ্ঞতা থকা আইটি পেছাদাৰী ব্যক্তিয়েও যিমান দৰমহা নাপায়, এই দম্পতীয়ে নিজৰ পৰিশ্ৰমৰ জৰিয়তে তাতকৈ অধিক লাভ কৰিবলৈ সক্ষম হৈছে।

ছচিয়েল মিডিয়া প্লেটফৰ্ম এক্সত এগৰাকী মহিলাই এই কাহিনীটো শ্বেয়াৰ কৰিছে। তেওঁ জনোৱা অনুসৰি, তেওঁৰ ঘৰৰ ওচৰৰে এটা সৰু দোকানত এহাল দম্পতী আৰু দুজন কৰ্মচাৰীয়ে একেলগে কাম কৰে। সেই দোকানখনত দিনটোত প্ৰায় ৩৫০ খন কাপোৰ ইস্ত্ৰি কৰা হয় আৰু প্ৰতিখন কাপোৰৰ বাবদ ১০ টকাকৈ লোৱা হয়। অকল ইস্ত্ৰি কৰিয়েই তেওঁলোকে দিনটোত চাৰে তিনি হাজাৰ টকা উপাৰ্জন কৰে। ইয়াৰ উপৰিও দামী শাড়ী আৰু চুট আদি ড্ৰাই ক্লিনিং কৰি তেওঁলোকে দৈনিক অতিৰিক্ত সাত হাজাৰ টকা উপাৰ্জন কৰে। অৰ্থাৎ দিনটোত তেওঁলোকৰ গড় আয় ১০ হাজাৰ টকাতকৈও অধিক হয়।

মাহেকীয়া হিচাপত চালে দেখা যায় যে মাহটোৰ ২৭ দিন দোকান খোলা থাকে আৰু ইয়াৰ পৰা মুঠ উপাৰ্জন হয় প্ৰায় ২ লাখ ৮৩ হাজাৰ টকা। আটাইতকৈ সুবিধাৰ কথাটো হ’ল দোকানখন তেওঁলোকৰ নিজৰ ঘৰতে থকা বাবে ঘৰ ভাড়াৰ কোনো অতিৰিক্ত খৰচ নাই। দোকানৰ বিজুলী বিল আৰু দুজন কৰ্মচাৰীৰ দৰমহা মিলাই মুঠ খৰচ হয় প্ৰায় ৪৬ হাজাৰ টকা। এই সকলোবোৰ খৰচ বাদ দিয়াৰ পাছতো দম্পতীহালৰ হাতত প্ৰতি মাহে ২ লাখ ৩০ হাজাৰ টকা নিট লাভ হিচাপে ৰৈ যায়।

এই পোষ্টটো সামাজিক মাধ্যমত ভাইৰেল হোৱাৰ পাছত বহুতে ধেমেলীয়া মন্তব্যও আগবঢ়াইছে। কোনোবাই যদি আইটি চাকৰি এৰি ইস্ত্ৰিৰ দোকান দিয়াৰ কথা কৈছে, আন কোনোবাই আকৌ আয়কৰৰ বিষয়টো আঙুলিয়াই দিছে। একাংশৰ মতে মহানগৰী অঞ্চলতহে ইমান টকা উপাৰ্জন কৰা সম্ভৱ, সৰু চহৰত নহয়। যি নহওক, এই কাহিনীটোৱে আকৌ এবাৰ প্ৰমাণ কৰিছে যে কোনো কামেই সৰু নহয় আৰু সঠিক পৰিকল্পনাৰে কাম কৰিলে যিকোনো পেচাতে সফলতা অৰ্জন কৰিব পাৰি।