ৰাহি-যোৰা নিমিলিল, নহ’লগৈ মিলন : কংগ্ৰেছৰ সিদ্ধান্তক লৈ খঙত অগ্নিশৰ্মা ডাঃ ভবেন চৌধুৰী
ৰাজ্যৰ বিৰোধী ঐক্য সন্দৰ্ভত বুধবাৰে আম আদমী পাৰ্টিৰ ৰাজ্যিক সভাপতি ডাঃ ভবেন চৌধুৰীয়ে সংবাদ মাধ্যমৰ ওচৰত তাৎপৰ্যপূৰ্ণ মন্তব্য ব্যক্ত কৰে। কংগ্ৰেছ আৰু এজেপিৰ দলীয় প্ৰাৰ্থীক বিৰোধী ঐক্যমঞ্চৰ প্ৰাৰ্থী হিচাপে প্ৰক্ষেপ নকৰিবলৈ প্ৰদেশ কংগ্ৰেছৰ সভাপতি ভূপেন বৰাক দাবী জনায় আপৰ ৰাজ্যিক সভাপতি গৰাকীয়ে ।
কংগ্ৰেছ – এজেপিৰ নেতৃত্বৰ লগতে দুয়োটা দলৰ প্ৰাৰ্থী সকলক বিৰোধী ঐক্য সন্দৰ্ভত সংবাদ মাধ্যমত মিছা আৰু বিভ্ৰান্তিকৰ প্ৰচাৰ বন্ধ কৰিবলৈ আপৰ সভাপতি গৰাকীয়ে দাবী জনায়। ডাঃ চৌধুৰীয়ে কয়, বিৰোধী ঐক্য মঞ্চৰ নামত কংগ্ৰেছ আৰু অজাপই প্ৰক্ষেপ কৰা প্ৰাৰ্থী সকল কোনোপধ্যেই সন্মিলিত বিৰোধীৰ প্ৰাৰ্থী নহয় ।
বিৰোধী ঐক্যমঞ্চৰ নেতা ভূপেন বৰাক ২৪ ঘন্টাৰ ভিতৰত বিৰোধী ঐক্যমঞ্চৰ ১৬ টা দলৰ স্বাক্ষৰৰ সৈতে লোকসভাৰ প্ৰাৰ্থীৰ আনুষ্ঠানিক ঘোষণাপত্ৰ প্ৰকাশ কৰিবলৈ দাবী জনায় ডাঃ ভবেন চৌধুৰীয়ে ।
আপৰ নেতাগৰাকীৰ মতে, যদি ২৪ ঘন্টাৰ ভিতৰত এনে কোনো ঘোষণা প্ৰকাশ কৰিব নোৱাৰে , তেন্তে অসমত যে কেৱল কংগ্ৰেছ আৰু এজেপিৰহে মিত্ৰতা আছে সেই কথা স্পষ্ট হ’ব।
গুৱাহাটীৰ আসন প্ৰত্যাহাৰ কৰি আপৰ সৰ্বোচ্চ ত্যাগৰ পিছতো অসমত বিৰোধী ঐক্য সম্ভৱ নহ’ল। ডাঃ চৌধুৰীয়ে কয়, কংগ্ৰেছৰ আকোঁৰগোজ স্থিতিৰ বাবেই অসমত বিফল হ’ল বিৰোধী মিত্ৰতা।
আপে গুৱাহাটী লোকসভা সমষ্টিৰ পৰা প্ৰাৰ্থী প্ৰত্যাহাৰ কৰাৰ পাছত কংগ্ৰেছে শোণিতপুৰ আৰু ডিব্ৰুগড়ৰ আসনৰ পৰা প্ৰাৰ্থী প্ৰত্যাহাৰ নকৰি তেওঁলোকে প্ৰমাণ কৰিলে যে বিজেপিক পৰাস্ত কৰাৰ কোনো আগ্ৰহ কংগ্ৰেছৰ নাই। কংগ্ৰেছৰ বিৰুদ্ধে এনেদৰে আক্ৰমণাত্মক মন্তব্য প্ৰকাশ কৰে আম আদমী পাৰ্টিৰ ৰাজ্যিক সভাপতি ডাঃ ভবেন চৌধুৰীয়ে।
You may also like
৪৭ বছৰে ৫০ টা পৰিয়ালে সমবায় ভিত্তিত খেতিবাতিৰে দাঙি ধৰিছে স্বাৱলম্বিতাৰ নিদৰ্শন
যিসময়ত কৰোণা মহামাৰীৰ বাবে স্তব্ধ হৈ পৰিছে জীৱন তেনে সময়তে এক সুখৰ খবৰ কঢ়িয়াই আনিছে একাংশ মহিলাই। বঙাইগাঁও জিলাৰ মাণিকপুৰ মহকুমাৰ অৰ্ন্তগত ১নং…
নাছাৰ সৈতে সহযোগিতা স্থাপনৰ বাবে আমি আগ্ৰহী : মেঘালয়ৰ মুখ্য মন্ত্ৰী কনৰাড চাংমা
মেঘালয়ৰ মুখ্য মন্ত্ৰী কনৰাড চাংমাৰ নেতৃত্বত যোৱা এটা প্ৰতিনিধি দলে বুধবাৰে কেলিফ’ৰ্নিয়াস্থিত নাছাৰ ছুপাৰ কম্পিউটাৰ গৱেষণা কেন্দ্ৰ, য়ু এ এছ যান-জট নিয়ন্ত্ৰণ…
হোটেলত বন্দী, খাদ্য বন্ধ কৰি দি শাস্তি আই পি এল তাৰকাক! দিল্লীৰ কাণ্ডক লৈ তোলপাৰ ক্ৰিকেটমহল
ৰঞ্জী ট্ৰফীত দিল্লীয়ে দুৰ্বল প্ৰদৰ্শন আগবঢ়াই আহিছে। একেৰাহে দুখন মেচত পৰাস্ত হৈছে দিল্লী। তৃতীয়খন মেচতো দিল্লীৰ অৱস্থা অনুকূল নহয়। এনে পৰিস্থিতিত দিল্লী…
অৰুণাচল প্ৰদেশত পুনৰ ডাৱৰ বিস্ফোৰণ; উদ্ধাৰকাৰী নাও ডুবি সন্ধানহীন ৯ জন, ৩ জনৰ মৃত্যু
এসপ্তাহ নৌহওঁতেই পুনৰ ডাৱৰ বিস্ফোৰণ আৰু অত্যন্ত ধাৰাসাৰ বৰষুণৰ ফলত বিপৰ্যস্ত হৈছে অৰুণাচল প্ৰদেশ। ধাৰাবাহিক বৰষুণৰ বাবে অৰুণাচলৰ বিস্তৃত অঞ্চল ডুব গৈছে।…