তিনিচুকীয়া আৰু ডিব্ৰুগড়ত আজিৰ পৰা ১১ এপ্ৰিললৈ ড্ৰাই ডে’ ঘোষণা জিলা প্ৰশাসনৰ
আগন্তুক লোকসভা নিৰ্বাচনলৈ লক্ষ্য ৰাখি তিনিচুকীয়া আৰু ডিব্ৰুগড় জিলা প্ৰশাসনে জিলা দুখনত ৯ এপ্ৰিলৰ পৰা ১১ এপ্ৰিললৈ ড্ৰাই ডে’ ঘোষণা কৰিছে। এই কেইটা দিনত জিলা দুখনৰ সকলো ধৰণৰ সুৰাৰ বিপনী বন্ধ থকাৰ লগতে গোপনে কৰা সুৰাৰ প্ৰচলনৰ ওপৰত কঠোৰ দৃষ্টি ৰখা হ’ব।
আনহাতে, ২৩ মে’তো জিলা দুখনত ড্ৰাই ডে’ ঘোষণা কৰিছে প্ৰশাসনে। জিলা দুখনত প্ৰথম পৰ্য্যায়ত অৰ্থাৎ ১১ এপ্ৰিলত নিৰ্বাচন অনুষ্ঠিত হ’ব।
প্ৰশাসনৰ তৰফৰ পৰা ৰাজ্যত শান্তিপূৰ্ণভাৱে নিৰ্বাচন অনুষ্ঠিত কৰাৰ বাবে আৰু নিৰ্বাচনৰ সময়ত সুৰা সেৱন কৰি যাতে কোনোধৰণৰ অপ্ৰীতিকৰ ঘটনা সংঘটিত নহয় তাৰপ্ৰতি লক্ষ্য ৰাখি ড্ৰাই ডে’ ঘোষণা কৰা হৈছে বুলি উল্লেখ কৰে।
উল্লেখযোগ্য যে, নিৰ্বাচনী আচৰণ বিধি বলবৎ হৈ থকাৰ সময়ত ৰাজ্যৰ বিভিন্ন স্থানত আৰক্ষী আৰু ফ্লায়িং স্কোৱাডৰ অভিযানত বহু পৰিমাণৰ সুৰা জব্দ হৈ আহিছে।
জিলা দুখনৰ স্থানীয় আৰু সচেতন ৰাইজে প্ৰশাসনৰ এই সিদ্ধান্তক আদৰণি জনাইছে।
You may also like
গাম্বিয়াত ৬৬ টা শিশুৰ মৃত্যুৰ বাবে ভাৰতত প্ৰস্তুত কৰা কাফ চিৰাপেই দায়ী বুলি প্ৰমাণ পোৱা নাই দেশ খনৰ চৰকাৰে
কিছুদিন আগতে গাম্বিয়াত ভাৰতত প্ৰস্তুত কৰা কাফ চিৰাপ খাই ৬৬ টা শিশুৰ মৃত্যু হোৱা বুলি কোৱা হৈছিল যদিও এতিয়া সেই অভিযোগ এক…
কাছাৰত শোকাৱহ পথ দুৰ্ঘটনা; এগৰাকী ব্যক্তি থিতাতে নিহত, পাঁচগৰাকী আঘাতপ্ৰাপ্ত
কাছাৰ জিলাৰ নিউ বাজাৰ অঞ্চলত সোমবাৰে নিশা সংঘটিত হোৱা এক শোকাৱহ পথ দুৰ্ঘটনা সংঘটিত হয়। সোমবাৰে নিশা সংঘটিত শোকাৱহ পথ দুৰ্ঘটনাটোৰ ফলত…
স্কুল-কলেজ খোলাৰ ক্ষেত্ৰত এতিয়াও একো সিদ্ধান্ত লোৱা নাই গৃহ মন্ত্ৰ্যালয়ে
ক’ৰ’না ভাইৰাছক কেন্দ্ৰ কৰি দীৰ্ঘদিন ধৰি বন্ধ হৈ থকা দেশৰ শিক্ষানুষ্ঠানসমূহ কেতিয়া খুলিব সেই সন্দৰ্ভত কোনো সিদ্ধান্ত লোৱা নাই কেন্দ্ৰীয় গৃহ মন্ত্ৰ্যালয়ে।…
বোকাখাতত ব্যৱসায়ীৰ ঘৰৰ পৰা বৃহৎ পৰিমানৰ নগদ ধন জব্দ
এক গোপন সূত্ৰৰ আধাৰত বোকাখাত আৰক্ষীয়ে আজি বিয়লি বোকাখাতৰ ম’হমাইকী গাঁও পঞ্চায়তৰ ২ নং ৱাৰ্ডৰ কদ্মা কালোৱাৰ নামৰ এগৰাকী ব্যৱসায়ীৰ ঘৰত অভিযান…