এপেক্স বেংকৰ ভয়াৱহ দুৰ্নীতিৰ বাতৰি কৰাৰ বাবে সাংবাদিকক গ্ৰেপ্তাৰ কৰা কাৰ্যক ধিক্কাৰ ডিৱাইএফআইৰ

ৰাজ্যৰ সমবায় খণ্ডৰ বিত্তীয় প্ৰতিষ্ঠান এপেক্স বেংকৰ বিত্তীয় কেলেংকাৰী বিৰুদ্ধে বাতৰি কৰাৰ অপৰাধত সাংবাদিক দিলোৱাৰ হুছেইন মজুমদাৰক গ্ৰেপ্তাৰ কৰা কাৰ্যক ভাৰতৰ গণতান্ত্ৰিক যুৱ ফেডাৰেছন (ডি ৱাই এফ আই)ৰ অসম ৰাজ্যিক কমিটিয়ে তীব্ৰ নিন্দা কৰিছে আৰু এয়া গণতন্ত্ৰ তথা সংবাদ মাধ্যমৰ ওপৰত বিজেপি চৰকাৰৰ নগ্ন আক্ৰমণ বুলি অভিহিত কৰিছে।

এপেক্স বেংকৰ ভয়াবহ কেলেংকাৰী আৰু এই কেলেংকাৰীত বিজেপি বিধায়ক বিশ্বজিত ফুকনৰ নাম জড়িত হৈ পৰাত চৰকাৰে আৰক্ষী প্ৰশাসনক ব্যৱহাৰ কৰি এক সন্ত্ৰাস পৰিৱেশ সৃষ্টি কৰিব বিচাৰিছে।

আৰক্ষীক ব‍্যৱহাৰ কৰি দুৰ্নীতিৰ বাতৰি কৰা সাংবাদিকক আটক কৰা কাৰ্যক ডি ৱাই এফ আইয়ে ধিক্কাৰ জনাই ইয়াৰ প্ৰতিবাদ কৰিছে আৰু সাংবাদিক হুছেইনক মুকলি কৰিবলৈ দাবী কৰিছে।