এনেদৰেই খুব সহজভাবে ৰান্ধি খাওক সুস্বাদু ‘বইল চিকেন’ৰ আঞ্জা

বহু মানুহে ব্যস্ততাৰ বাবে প্ৰায়ে কিছুমান ব্যঞ্জন তৈয়াৰ কৰাৰ পৰা বিৰত থকা দেখা যায়। আন কিছুমানে আকু ভালদৰে ৰান্ধিব নজনাৰ বাবে অথবা ৰন্ধন প্ৰণালী জটিল হোৱাৰ বাবে মাংস নাৰান্ধে। কিন্তু আজি আপোনালোকৰ বাবে এনে এটা ৰন্ধন-প্ৰকৰণ লৈ আহিছোঁ যিয়ে আপোনাক খুব সহজে, কম সময়তে সুস্বাদু মুৰ্গী মাংস ৰন্ধাত সহায় কৰিব। এনেদৰে ৰান্ধি খালে আপনাৰ স্বাস্থ্যৰো যথেষ্ট উপকাৰ হ’ব।

এই ব্যঞ্জনটো ৰান্ধিনবলৈ কি কি উপকৰণ লাগিব?

–  আধা কিলোগ্ৰাম মুৰ্গীৰ মাংস

– চাৰি কাপ পানী

– এটা পিঁয়াজ

– দুটা বিলাহী-

– আদা-নহৰু বটা

– নিমখ 

– ১/২ চামুচ জালুক

– দুটা ডাঙৰ আলু

– দুটামান কেঁচা জলকীয়া

– এমুঠি কেঁচা ধনীয়া

১/ প্ৰথমে মাংসখিনি ধুই লওঁক। তাৰপিছত এটা কুকাৰত দি মাংসখিনি দুই মিনিট সময় হেতাৰে লৰাই থাকক।

২) ইয়াৰ পিছত মাংস খিনিত ডাঙৰ ডাঙৰকৈ কটা পিয়াজ, আলু, আদা নহৰু, জালুক, সৰুকৈ কুটা বিলাহী, জলকীয়া আৰু নিমখ দি দিয়ক। তাৰপিছত ২ মিনিট লৰাই পানী খিনি দি সাফৰখন বন্ধ কৰি চিটি মৰালৈ অপেক্ষা কৰক। 

৩) দুটা চিটি অহাৰ পিছত গেছটো বন্ধ কৰি দিয়ক।

৪) কুকাৰৰ সাফৰখন খুলিব পৰা হ’লে তাত ধনীয়া মুঠি কাটি দি কিছুসময়ৰ বাবে সাফৰখন আকৌ বন্ধ কৰি দিয়ক।

৫) গৰম ভাতৰ লগত নেমু চেপি তৃপ্তিৰে পৰিৱেশন কৰক।