ট্ৰাকৰ লগত মুখামুখি সংঘৰ্ষ! গাড়ীৰ ভিতৰতে জীৱন্তে অগ্নিদগ্ধ হৈ মৃত্যু শিশুসহ ৮জনৰ
শনিবাৰে গভীৰ নিশা উত্তৰ প্ৰদেশত ট্ৰাক আৰু SUV গাড়ীৰ মুখামুখি সংঘৰ্ষত এক মৰ্মান্তিক দুৰ্ঘটনা সংঘটিত হয়। এই ঘটনাত SUV গাড়ীৰ ভিতৰত জীৱন্তে অগ্নিদগ্ধ হৈ মৃত্যুমুখত পৰিল ৮ জনকৈ লোক। নিহতসকলৰ ভিতৰত এটি শিশুও থকাৰ কথা জানিব পৰা গৈছে।
বাতৰি অনুসৰি, ভোজপুৰাৰ সমীপৰ বৰেলী-নৈনিতাল ঘাইপথেৰে আহি আছিল গাড়ীখন। কিন্তু হঠাৎ ইয়াৰ চকাটো ফাটি যায়। যাৰ বাবে গাড়ীখনে নিয়ন্ত্ৰণ হেৰুৱাই ৰাস্তাৰ সিটো পাৰলৈ গুচি যায়।
সেই সময়ত উত্তৰাখণ্ডৰ পৰা এখন ট্ৰাক আহি আছিল। গাড়ী আৰু ট্ৰাকৰ সংঘৰ্ষৰ ফলত বিস্ফোৰণ ঘটি গাড়ীখনত অগ্নিকাণ্ড সংঘটিত হয়। কিন্তু গাড়ীখনত লক লগোৱাৰ বাবে দপদপাই জ্বলি উঠা গাড়ীখনৰ পৰা কোনো যাত্ৰী ওলাব নোৱাৰিলে।
দুৰ্ভাগ্যবশতঃ ভিতৰত জীৱন্তে অগ্নিদগ্ধ হয় যাত্ৰীকেইজন। নিহতসকলৰ ভিতৰত সাতজন প্ৰাপ্তবয়স্ক আৰু এটি শিশু আছে।
বৰেলীৰ এছ এছ পি ঘুলে সুশীল চন্দ্ৰভানে কয়, ‘মৃতদেহ কেইটা মৰণোত্তৰ পৰীক্ষাৰ বাবে প্ৰেৰণ কৰা হৈছে। গোটেই ঘটনাটো তদন্ত কৰি চোৱা হ’ব।” স্বাভাৱিকতে এনে মৰ্মান্তিক ঘটনাত অঞ্চলটোত চাঞ্চল্য বিয়পি পৰিছে।
You may also like
জাতিৰ পিতা মহাত্মাক স্মৰণেৰে আজি সমগ্ৰ দেশৰ লগতে ৰাজ্যজুৰি ডেৰশ বছৰীয়া জয়ন্তী পালন
সমগ্ৰ দেশৰ লগতে অসমতো আজি ৰাজ্যুজুৰি বিভিন্ন কাৰ্য্যসূচীৰ মাজেৰে জাতিৰ পিতা মহামানৱ মহাত্মা গান্ধীৰ ডেৰশ বছৰীয়া জয়ন্তী উদযাপন কৰা হৈছে। প্ৰতিবছৰে ২…
পত্নীক হত্যাৰ পিছত ১২ টুকুৰা কৰিলে স্বামীয়ে; পৰিত্যক্ত ঘৰৰ পৰা উদ্ধাৰ খণ্ডবিখণ্ড মৃতদেহ
শ্ৰদ্ধা ৱাকাৰ কাণ্ডৰ পুনৰাবৃত্তি এইবাৰ ঝাৰখণ্ডত! এজন ব্যক্তিয়ে তেওঁৰ পত্নীক হত্যা কৰাৰ পিছত ১২ টুকুৰা কৰাৰ অভিযোগ উত্থাপিত হৈছে। আৰক্ষীয়ে শনিবাৰে সন্ধিয়া…
বিজেপি নেতৃত্বাধীন এনডিএ মিত্ৰজোটত যোগদান বিপিএফৰঃ কাইলৈ শপত ল’ব চৰণ বড়োৱে
হিমন্ত বিশ্ব শৰ্মা নেতৃত্বাধীন অসম চৰকাৰত মন্ত্ৰীত্ব লাভ কৰি এনডিএ-ত আনুষ্ঠানিকভাৱে যোগদান কৰিছে বড়োলেণ্ড পিপলছ ফ্ৰণ্টে। শাসকীয় মিত্ৰজোঁটত বিপিএফৰ আনুষ্ঠানিক প্ৰৱেশৰ পাছতে…
ৰবীন্দ্ৰভৱনত মঞ্চস্থ হ’ল মানিক ৰয়ৰ নাটক “মেজিক ষ্টিক”
১৯৯৮ চনত স্থাপন হোৱা গুৱাহাটী শিশু নাট্য বিদ্যালয়ৰ উদ্যোগত গুৱাহাটীৰ ৰবীন্দ্ৰভৱনত আজি বিয়লি ৩:৪৫ আৰু সন্ধিয়া ৬:৩০ বজাত মানিক ৰয়ৰ পৰিকল্পনা আৰু…