Maharashtra new CM একনাথ সিন্দে হ’ব মহাৰাষ্ট্ৰৰ মুখ্যমন্ত্ৰী , সন্ধিয়া ৭-৩০ বজাত শপতগ্ৰহণ

অৱশেষত সকলো জল্পনা-কল্পনাৰ অৱসান ঘটাই শিৱসেনাৰ বিসম্বাদী শিবিৰৰ নেতা একনাথ সিন্দেক মহাৰাষ্ট্ৰৰ নতুন মুখ্যমন্ত্ৰী হিচাবে বাচনি কৰা হৈছে৷

ৰাষ্ট্ৰীয় সংবাদমাধ্যমত প্ৰকাশিত বাতৰি অনুসৰি আজি সন্ধিয়া ৭-৩০ বজাত সিন্দেই মুখ্যমন্ত্ৰী হিচাবে শপতগ্ৰহণ কৰিব৷

জানিব পৰা মতে বিজেপিৰ নেতা তথা প্ৰাক্তন মুখ্যমন্ত্ৰী দেৱেন্দ্ৰ ফাড়নবিছে ৰাজ্যপাল ভগত সিং কোশিয়াৰীক সাক্ষাৎ কৰি চৰকাৰ গঠনৰ পৰিকল্পনাৰ বিষয়ে আলোচনা কৰিব।

বিজেপি নেতা দেৱেন্দ্ৰ ফাড়নবিছ আৰু একনাথ সিন্দেই চৰকাৰ গঠনৰ দাবী জনাবলৈ ৰাজভৱনত ৰাজ্যপাল ভগত সিং কোশিয়াৰীক সাক্ষাৎ কৰিছে৷

উল্লেখ্য আজি পুৱাৰ ভাগত বিজেপিৰ নেতা দেৱেন্দ্ৰ ফাড়নবিছক মুখ্যমন্ত্ৰী আৰু আৰু একনাথ সিন্দেক উপ-মুখ্যমন্ত্ৰী পতা হ’ব বুলি চৰ্চা হৈছিল৷

এই চৰ্চাৰ পিছতে খোদ শিৱসেনাৰ বিসম্বাদী শিবিৰত প্ৰতিক্ৰিয়াৰ সৃষ্টি হোৱা বুলি জানিব পৰা গৈছে৷

তেনে প্ৰতিক্ৰিয়াৰ বাবেই হয়তো সিন্দেক মুখ্যমন্ত্ৰী হিচাবে ঘোষণা কৰা হৈছে৷