শিৱসাগৰত ৰাইজৰ দলৰ প্ৰথম কেন্দ্ৰীয় প্ৰতিষ্ঠা দিৱস পালন

শিৱসাগৰ যুৱদ’লত আজি ৰাইজৰ দলৰ প্ৰথম প্ৰতিষ্ঠা দিৱস অনুষ্ঠিত হয়।

দিনজোৰা কাৰ্যসূচীৰে অনুষ্ঠিত হোৱা অনুষ্ঠানটিত পুৱা পতাকা উত্তোলন আৰু শ্বহীদ তৰ্পণ কৰে দলীয় সভাপতি অখিল গগৈয়ে।

প্ৰতিষ্ঠা দিৱসৰ মুকলি সভাত ৰাইজৰ দলৰ উদেশ্য প্ৰকাশ কৰাৰ লগতে কেন্দ্ৰীয় আৰু ৰাজ্য চৰকাৰৰ বিৰুদ্ধে ক্ষোভ প্ৰকাশ কৰে দলটোৱে।

প্ৰতিষ্ঠা দিৱসৰ কাৰ্যসূচীৰ সময়তে অসমৰ বিশেষ ৰাজ্যৰ মৰ্যদা ঘূৰাই অনাৰ বাবে যুঁজ দিয়াৰ সংকল্প লয় দলটোৱে।

আনহাতে অসম চৰকাৰে জাৰি কৰা নতুন SOP সন্দৰ্ভত ক্ষোভ প্ৰকাশ কৰে দলৰ সভাপতি অখিল গগৈয়ে।নতুন SOP ত মাঘ বিহুৰ ক্ষেত্ৰত লোৱা সিদ্ধান্ত সমূহ উঠাই লোৱাৰ দাবী জনায় গগৈয়ে।

প্ৰতিষ্ঠা দিৱসত ৰাইজৰ দলৰ কাৰ্যকৰী সভাপতি ভাস্কো’ ডি শইকীয়া, কবিন্দ্ৰ চেতিয়া ফুকন, জিতুল ডেকা, কেন্দ্ৰীয় উপ সভাপতি ৰঞ্জীত তামুলী, সাধাৰণ সম্পাদক ধৈৰ্য কোৱৰ, লোহিত গগৈ, কমল কুমাৰ মেধি, ৰাচেল হুছেইন, অলক নাথ, অংকুৰ শইকীয়া, আজিজুৰ ৰহমান, হুছেইন মহম্মদ চাহজাহান, ৰাইজৰ দলৰ শিৱসাগৰ সমিতিৰ সভাপতি মুনিন্দ্ৰ লাহনকে ধৰি বহু নেতা কৰ্মী উপস্থিত থাকে।