Road Accident গোৱালপাৰাৰ গধাৰবড়ীত ভয়ংকৰ পথ দুৰ্ঘটনা; বাহনৰ মুখামুখি সংৰ্ঘষত এটা পৰিয়ালৰ ৫জন নিহত

Road Accident গোৱালপাৰা জিলাৰ আগিয়া আৰক্ষী থানাৰ অন্তৰ্গত বলবলাৰ গধাৰবড়ীৰ ১৭নং ৰাষ্ট্ৰীয় পথত বৃহস্পতিবাৰে সন্ধিয়া সংঘটিত এক ভয়ংকৰ পথ দুৰ্ঘটনাত একেটা পৰিয়ালৰ দুটি শিশু সহ ৫জনকৈ লোক নিহত হোৱা খৱৰে অঞ্চলটোত তীব্ৰ চাঞ্চল্যৰ সৃষ্টি কৰে ৷

জানিব পৰা মতে, কৃষ্ণাইৰ পৰা ( এ এছ ০১ ডি ইউ ১৪২৬)ইয়ন গাড়ীৰে গোৱালপাৰালৈ গৈ থকা অৱস্থাত বিপৰীত দিশৰ পৰা (এ এছ ২৩ এম ৬৫০১) নম্বৰৰ ছুইফট ডিজেয়াৰ গাড়ীৰ সৈতে হোৱা মুখামুখি সংঘৰ্ষত ইয়নত থকা পাছ যাত্ৰী থিতাতে নিহত হয় ৷

নিহত আটাইকেজনৰে ঘৰ কৃষ্ণাইৰ বিদ্যাপাৰাত। নিহত কেইজন নাম হৈছে নাজমা খাতুন, চবুৰা খাতুন, ৰহিম আলী, জুয়েল আৰু চুৱেল।

Also Read: Microfinance Incentives গোলাঘাটত অসম মাইক্ৰ’ফাইনেন্স উদগনি আৰু ৰেহাই আঁচনিৰ বিশাল অনুষ্ঠান সম্পন্ন

এগৰাকী আহত ব্যক্তি আনোৱাৰ আলী বুলি চিনাক্ত কৰা হৈছে। বাকী আহত কেইজনৰ নাম জানিব পৰা হোৱা নাই।

আহতসকলক ইতিমধ্যে চিকিৎসাৰ বাবে গোৱালপাৰা অসামৰিক চিকিৎসালয়লৈ প্ৰেৰণ কৰা হৈছে৷