বিশ্বত প্ৰথম! একেলগে মাঙ্কিপক্স, কোভিড, এইচআইভি- তিনিওটা ভাইৰাছৰ দ্বাৰা সংক্ৰমিত হ’ল এক ব্যক্তি

কোভিড আৰু মাঙ্কিপক্সে দীৰ্ঘদিন ধৰি বিশ্বজুৰি আতংকৰ সৃষ্টি কৰি আছে। ইয়াৰ ভিতৰত এইচআইভি অলপ পুৰণি। ইও বিভিন্ন স্থানত কম আতংক বিয়পোৱা নাছিল। শেহতীয়াকৈ যদিও কোভিডৰ অলপ কম যেন লাগিছে, সেই ঠাই পূৰণ কৰিবলৈ আহিছে মাঙ্কিপক্স। কিন্তু তাতেই শেষ হোৱা নাই। এতিয়া গোটেই পৃথিৱীক হতবাক কৰা বাতৰিটো হ’ল যে এজন ব্যক্তি একে সময়তে তিনিটাকৈ ৰোগত আক্ৰান্ত হৈছে।

কৰোনাভাইৰাছ, মাঙ্কি পক্স আৰু এইচআইভি একেলগে এই তিনিটা ৰোগৰ ভাইৰাছৰ দ্বাৰা সংক্ৰমিত হৈছে এজন লোক। বিশ্বতত প্ৰথম বাৰৰ বাবে তিনিটা ভাইৰাছৰ দ্বাৰা একেলগে সংক্ৰমিত হোৱাৰ এই ঘটনা ঘটিছে।

লগতে পঢ়ক: ৰিঙত বাগৰি পৰাৰ পিছত মৃত্যুক সাৱটিলে অৰুণাচলৰ ২৪ বছৰীয়া কিকবক্সাৰ ইয়োৰা টাডে

ইটালীৰ এজন ৩৬ বছৰীয়া ব্যক্তি একেলগে এই তিনিটা ভাইৰাছৰ দ্বাৰা সংক্ৰমিত হৈছে। বিষয়টো ‘জাৰ্নেল অফ ইনফেকশন’ আলোচনীত প্ৰকাশ পাইছে। স্বাভাৱিকতে, ৰোগীৰ নাম প্ৰকাশ কৰা হোৱা নাছিল।

গৱেষকসকলে কয় যে বিষয়টো পৰ্যবেক্ষণ কৰাৰ পিছত, দেখা গৈছে এই ক্ষেত্ৰত কোভিড আৰু মাঙ্কিপক্সৰ লক্ষণবোৰ মিশ্ৰিত হৈছে। যদি দুয়োটা সংক্ৰমণ একেলগে আহে তেন্তে কেনে ধৰণৰ সমস্যা উদ্ভৱ হ’ব পাৰে সেয়াও পৰ্যবেক্ষণ কৰাৰ সুযোগ আমাৰ ওচৰত আহিছে। অতি গুৰুত্বপূৰ্ণ সেই পৰ্যবেক্ষণ চলাই থকা হৈছে।

লগতে পঢ়ক: কোচবিহাৰ কেন্দ্ৰীয় শাসিত ৰাজ্যত বিটিআৰ অঞ্চল; অনন্ত ৰায় মহাৰাজৰ মন্তব্যক লৈ তুমুল প্ৰতিক্ৰিয়া

জানিব পৰা মতে ইটালীৰ এই যুৱকজন কেইদিনমানৰ বাবে ভ্ৰমণলৈ গৈছিল। তাৰ পৰা উভতি অহাৰ দহ দিন পিছত তেওঁৰ জ্বৰ হৈছিল। জ্বৰৰ সৈতে ডিঙিৰ বিষ, দুৰ্বলতা, মুৰৰ বিষ আৰু খজুৱতিত অস্বস্তি হৈছিল। তেওঁ লগে লগে চিকিৎসকৰ সৈতে যোগাযোগ কৰিলে।

ইপিনে, এই লক্ষণবোৰ দেখা দিয়াৰ তিনিদিন পিছত তেওঁক কোভিড-১৯-ৰ বাবে পৰীক্ষা কৰা হয়। কোভিড পৰীক্ষাৰ ৰিপ’ৰ্ট পজিটিভ আহে। ইয়াৰ পিছত তেওঁৰ মুখ আৰু শৰীৰত ফোঁহা ওলাবলৈ আৰম্ভ কৰে। সেইবোৰ ক্ৰমে ডাঙৰ হ’বলৈ আৰম্ভ কৰে। তাৰ পিছত তেওঁক চিকিৎসালয়ৰ জৰুৰীকালীন বিভাগলৈ লৈ যোৱা হয়। 

তেওঁক চিকিৎসালয়ৰ সংক্ৰমণ বিভাগত ভৰ্তি কৰোৱা হয়। ভৰ্তি কৰাৰ পিছত তেওঁৰ বিভিন্ন পৰীক্ষা কৰোৱা হয়। সেই পৰীক্ষাত দেখা গৈছে যে তেওঁৰ যকৃতৰ আকাৰ যথেষ্ট বৃদ্ধি পাইছে। তাৰ পিছত তেওঁৰ মাঙ্কিপক্সৰ ৰিপ’ৰ্টো পজিটিভ আহিল। এইচআইভি পৰীক্ষাৰ ৰিপ’ৰ্টো পজিটিভ হ’ল। এই ৰিপ’ৰ্ট পজিটিভ অহাৰ সময়ত তেওঁ কোভিড পজিটিভ আছিল। তেওঁ অ’মিক্ৰন বিএ.৫.১ ভেৰিয়েন্টৰ দ্বাৰা সংক্ৰমিত হৈছিল।

লগতে পঢ়ক: Sylvester Stallone: পত্নীৰ সৈতে আৰু ২৫ বছৰ কটোৱাৰ আকাংক্ষা অসম্পূৰ্ণ হৈ ৰ’ল একচন হিৰো চিলভেষ্টাৰ ষ্টেলোনৰ!

ইটালীৰ লোকজনক এসপ্তাহতকৈও অধিক সময় চিকিৎসালয়ত ভৰ্তি কৰোৱা হৈছিল। তেওঁ কোভিড-১৯ আৰু মাঙ্কিপক্সৰ পৰা আৰোগ্য হৈছে। এইচআইভি সংক্ৰমণৰ চিকিৎসা চলি আছে।