অসম ৰঞ্জী দলৰ বেটিং পৰামৰ্শদাতা হিচাপে দায়িত্বভাৰ গ্ৰহণ ভাৰতীয় দলৰ প্ৰাক্তন ক্ৰিকেটাৰ প্ৰবীণ আম্বৰেৰ

ভাৰতীয় ক্ৰিকেট দলৰ প্ৰাক্তন ক্ৰিকেটাৰ প্ৰবীণ আম্বৰে অসম ক্ৰিকেট ছিনিয়ৰ ক্ৰিকেট দলৰ বেটিং পৰামৰ্শদাতা হিচাপে দায়িত্বভাৰে গ্ৰহণ কৰিছে।

বৃহস্পতিবাৰে মুম্বাইত আম্বৰে অসম ক্ৰিকেট দলটোৰ সৈতে যোগ দিয়ে।

১৯৯১ চনত ভাৰতীয় এদিনীয়া ক্ৰিকট দলত অভিষেক ঘটোৱা প্ৰবীণ আম্বৰে ১৯৯২ চনত ভাৰতীয় টেষ্ট দলতো অভিষেক কৰিবলৈ সক্ষম হৈছিল।

আম্বৰে ভাৰতীয় দলৰ হৈ ১১ খন টেষ্টত ৪২.৫ গড়ে ৪২৫ ৰাণ আৰু ৩৭ খন এদিনীয়াত ২০.৫ গড়ে ৫১৩ ৰাণ সংগ্ৰহ কৰিছিল।

দীৰ্ঘদিন ধৰি ক্ৰিকটৰ প্ৰশিক্ষণৰ সৈতে জড়িত হৈ থকা মহাৰাষ্ট্ৰৰ খেলুৱৈ গৰাকীয়ে ইণ্ডিয়ান প্ৰিমিয়াৰ লীগতো পুনে ওৱাৰিয়ৰছ ইণ্ডিয়াৰ প্ৰশিক্ষকৰ দায়িত্ব পালন কৰিছিল।

আনহাতে, প্ৰবীণ আম্বৰে ২০১৬ চনত ভাৰতীয় দলৰ প্ৰশিক্ষক পদৰ বাবেও অনিল কুম্বলে, লালচান্দ ৰাজপুতৰ সৈতে সাক্ষাৎকাৰ প্ৰদান কৰিছিল।

উল্লেখযোগ্য যে, ভাৰতীয় ক্ৰিকট দলৰ আন এগৰাকী প্ৰাক্তন ক্ৰিকেটাৰ অজয় ৰাট্ৰাই বৰ্তমান অসম ক্ৰিকট দলৰ মুখ্য প্ৰশিক্ষক হিচাপে দায়িত্ব পালন কৰি আছে।

অজয় ৰাট্ৰা আৰু প্ৰবীণ আম্বৰেৰ প্ৰশিক্ষণত অসমৰ ক্ৰিকেটাৰ সকল ভবিষ্যতে উপকৃত হ’ব বুলি আশা কৰা হৈছে।