বোকাখাতৰ প্ৰাক্তন বিধায়ক জিতেন গগৈৰ পোহনীয়া হাতীৰ আক্ৰমণত কিশোৰৰ মৃত্যু

বোকাখাতৰ নাহৰজান চাহ বাগিচাত সংঘটিত হৈছে এক শোকাবহ ঘটনা ৷ পোহনীয়া হাতীৰ আক্ৰমণত নিহত হৈছে এজন কিশোৰ ৷

বোকাখাতৰ প্ৰাক্তন বিধায়ক জিতেন গগৈৰ পোহনীয়া হাতীৰ আক্ৰমণত থিতাতে প্ৰাণ যায় নাহৰজান চাহ বাগিছাৰ বিটু গড় নামৰ কিশোৰজনৰ ৷

বাগানলৈ যোৱা বিটু গড় নামৰ যুৱকজনক পোৱালী থকা হাতী জনীয়ে আক্ৰমণ কৰি হত্যা কৰে ৷ পোৱালীটোৰ বাবেই হাতীজনীয়ে বিটু গড়ক হত্যা কৰা বুলি সন্দেহ কৰে স্থানীয় লোকে ৷

জিতেন গগৈৰ এই হাতী জনীয়ে ইয়াৰ পুৰ্বেও দুজন মানুহক হত্যা কৰিছিল বুলি স্থানীয় লোকে অভিযোগ কৰে ৷

স্থানীয় লোকে কিশোৰজনৰ মৃতদেহটো নি সমীপতে থকা জিতেন গগৈৰ জ্ঞানদ্বীপ নামৰ বাগিছাৰ বাসগৃহৰ সন্মুখত ৰাখি বিক্ষোভ প্ৰদৰ্শন কৰে ৷ জিতেন গগৈক গ্ৰেপ্তাৰৰ দাবীত পৰিস্থিতি উত্তাল কৰি তোলে ৷

পিছত বিক্ষোভ থলীত উপস্থিত হৈ বোকাখাতৰ মহকুমাধিপতিয়ে উচিত তদন্তৰ আশ্বাস প্ৰদান কৰাতহে পৰিস্থিতি শান্ত হয় ৷

সম্প্ৰতি বিটু গড়ৰ মৃতদেহক মৰণোত্তৰ পৰীক্ষাৰ বাবে প্ৰেৰণ কৰিছে বোকাখাত আৰক্ষীয়ে ৷