বেংকসমূহ ৰাষ্ট্ৰীয়কৰণত গুৰুত্বপূৰ্ণ ভূমিকা গ্ৰহণ কৰা SBIৰ প্ৰাক্তন অধ্যক্ষ ধ্ৰুব নাৰায়ণ ঘোষৰ দেহাৱসান

ভাৰতৰ বেংকসমূহ ৰাষ্ট্ৰীয়কৰণৰ ক্ষেত্ৰত চৰকাৰৰ কৌশল প্ৰণয়নত গুৰুত্বপূৰ্ণ ভূমিকা গ্ৰহণ কৰা ধ্ৰুব নাৰায়ণ ঘোষৰ মঙলবাৰে কলকাতাৰ এখন চিকিৎসালয়ত মৃত্যু হয়। ছয় দশকৰো অধিক দীঘলীয়া কেৰিয়াৰত আমোলাতন্ত্ৰ, একাডেমী, বিত্ত আৰু কৰ্পৰেটৰ জগতখনক সামৰি লোৱা ঘোষৰ মৃত্যুৰ সময়ত বয়স আছিল ৯৫ বছৰ। তেওঁ পত্নী, কন্যা, জোঁৱাই আৰু নাতিনীয়েকক এৰি থৈ যায়।

১৯২৮ চনৰ ৬ আগষ্টত কোচবেহাৰত জন্মগ্ৰহণ কৰা, বহুকেইখন গ্ৰন্থৰ লিখক ঘোষে কলিকতাৰ প্ৰেচিডেন্সি কলেজ (বৰ্তমান প্ৰেচিডেন্সি ইউনিভাৰ্চিটি)ৰ পৰা অৰ্থনীতি বিজ্ঞান অধ্যয়ন কৰিছিল।

তেওঁক জ্যেষ্ঠ আমোলা পিছলৈ প্ৰাক্তন প্ৰধানমন্ত্ৰী ইন্দিৰা গান্ধীৰ প্ৰধান সচিব হোৱা  পি.এন. হাক্সাৰে ১৯৬৯ চনত বেংক ৰাষ্ট্ৰীয়কৰণৰ কৌশল প্ৰণয়ন কৰিবলৈ মাতি অনা বুলি জনা গৈছিল।তেতিয়া ঘোষ বিত্ত মন্ত্ৰালয়ৰ বেংকিং বিভাগত আছিল।

লগতে পঢ়কঃ ধৰ্ষণ, গণহত্যাৰে জৰ্জৰিত চুডান, গৃহহীন ৬০ লাখ লোক; অৰ্ধসামৰিক বাহিনীৰ হাতত বিপৰ্যস্ত সেনা

১৯৭৫-৭৬ চনত জৱাহৰলাল নেহৰু বিশ্ববিদ্যালয়ৰ স্কুল অৱ ইকনমিক্স এণ্ড প্লেনিঙৰ অধ্যাপক হিচাপে কাৰ্যনিৰ্বাহ কৰিছিল। ১৯৮১ চনত কলিকতাৰ ইণ্ডিয়ান ইনষ্টিটিউট অৱ মেনেজমেণ্টত ডেভেলপমেন্ট ফাইনেন্স বিভাগৰ অধ্যাপক আছিল।

পিছলৈ ভাৰতীয় ষ্টেট বেংকৰ দ্বাদশ অধ্যক্ষ হিচাপে ১৯৮৫ চনৰ ১৩ মে’ৰ পৰা ১৯৮৯ চনৰ ১২ মে’লৈকে দেশৰ সৰ্ববৃহৎ ৰাজহুৱা খণ্ডৰ বেংকৰ নেতৃত্ব দিয়ে। তেওঁ  এছ বি আইৰ মাৰ্চেণ্ট বেংকিং বিভাগক এটা পৃথক কোম্পানী — এছ বি আই কেপিটেল মাৰ্কেটছলৈ স্থানান্তৰিত কৰাত মূল ভূমিকা গ্ৰহণ কৰিছিল। তেওঁ নিজৰ কাৰ্যকালত আন্তঃৰাষ্ট্ৰীয় ৰেটিং এজেন্সী এছ এণ্ড পি গ্ল’বেল ৰেটিংছৰ পৰাও বেংকটোৱে ৰেটিং লাভ কৰিছিল।

লগতে পঢ়কঃ ৱানখেড়েত মেক্সৱেলৰ অবিশ্বাস্য প্ৰদৰ্শন! কি ক’লে অষ্ট্ৰেলিয়াৰ ক্ৰিকেটাৰগৰাকীৰ ভাৰতীয় পত্নীয়ে?

এছ বি আইৰ পৰা অৱসৰ লোৱাৰ পিছত ঘোষে ফিলিপছ, এল এণ্ড টি, আই আই এম লক্ষ্ণৌ, সুন্দৰম বি এন পি পৰিবাছ এচেট মেনেজমেণ্ট কোম্পানী, মেনেজমেণ্ট ডেভেলপমেণ্ট ইনষ্টিটিউট, গুৰগাঁও, পিয়াৰলেছ জেনেৰেল ফাইনেন্স এণ্ড ইনভেষ্টমেণ্ট কোম্পানী লিমিটেড, দামোদৰ চিমেণ্ট এণ্ড স্লেগ লিমিটেড, বিৰলা কৰ্পৰেশ্যন লিমিটেড, এইচ ডি এফ চি আৰু টাটা গ্ল’বেল বেভাৰেজ, আই চি আৰ এ আদিকে ধৰি কেইবাটাও ব্যক্তিগত খণ্ডৰ ব’ৰ্ডত কাৰ্যনিৰ্বাহ কৰিছিল।

I agree entirely! D.N. Ghosh was one of a kind that is endangered now. He played a pivotal role in the nationalisation of banks July 1969 that I have described in detail in my book, ‘Intertwined Lives: PN Haksar and Indira Gandhi’. His own memoir, ‘No Regrets’, is a huge… https://t.co/7l96kyk9en

— Jairam Ramesh (@Jairam_Ramesh) November 8, 2023

তেওঁ প্ৰসিদ্ধ ইকনমিক এণ্ড পলিটিকেল উইকলি প্ৰকাশ কৰা সমীক্ষা ট্ৰাষ্টৰ মেনেজিং ট্ৰাষ্টীও আছিল।

জ্যেষ্ঠ কংগ্ৰেছ নেতা জয়ৰাম ৰমেশে ডি এন ঘোষৰ মৃত্যুৰ পিছত বেংক ৰাষ্ট্ৰীয়কৰণত তেওঁ গ্ৰহণ কৰা ভূমিকাৰ কথা উল্লেখ কৰি এক্স হেণ্ডেলত তেওঁৰ সৈতে দীঘলীয়া সান্নিধ্যৰ কথা সোঁৱৰণ কৰিছে।