প্ৰাক্তন কেন্দ্ৰীয় মন্ত্ৰী, প্ৰবীণ কংগ্ৰেছ নেতা বেদব্ৰত বৰুৱাৰ দেহাৱসান

প্ৰাক্তন কেন্দ্ৰীয় মন্ত্ৰী তথা প্ৰবীণ কংগ্ৰেছ নেতা বেদব্ৰত বৰুৱাৰ আজি ৯৭ বছৰ বয়সত দেহাৱসান ঘটে। বাৰ্দ্ধক্যজনিত শাৰীৰিক অসুস্থতাৰ বাবে গুৱাহাটীৰ এখন ব্যক্তিগত চিকিৎসালয়ত চিকিৎসাধীন অৱস্থাতে তেওঁ শেষ নিশ্বাস ত্যাগ কৰে।

১৯২৮ চনৰ ১৪ জুলাইত জন্মগ্ৰহণ কৰা বেদব্ৰত বৰুৱা দেশৰ এগৰাকী বিশিষ্ট ৰাজনীতিবিদ আছিল। ১৯৬৭, ১৯৭১, ১৯৭৭ চনত ভাৰতীয় জাতীয় কংগ্ৰেছৰ সদস্য হিচাপে অসমৰ কলিয়াবৰ সমষ্টিৰ পৰা সংসদৰ নিম্ন সদন লোকসভালৈ নিৰ্বাচিত হৈছিল।

নিজৰ কাৰ্যকালত তেওঁ কেন্দ্ৰীয় আইন, ন্যায় আৰু কোম্পানী পৰিক্ৰমা বিভাগৰ উপ-মন্ত্ৰী হিচাপে কাৰ্যনিৰ্বাহ কৰাৰ লগতে ৰাষ্ট্ৰীয় ৰাজনীতিত সক্ৰিয় ভূমিকা পালন কৰিছিল। প্ৰধানমন্ত্ৰী ইন্দিৰা গান্ধীৰ কাৰ্যকালত তেওঁ কেন্দ্ৰীয় মন্ত্ৰী হৈছিল।