২০২৩ বৰ্ষৰ সাহিত্য অকাডেমী বঁটা : ৰাজ্যলৈ গৌৰৱ কঢ়িয়াই আনিলে ৪ গৰাকী লেখকে

আজি ঘোষণা কৰা হ’ল ২০১৩ চনৰ সাহিত্য অকাডেমী বঁটা। অসমৰ ৪ জনকৈ লেখকে লাভ কৰিছে সাহিত্য অকাডেমী বঁটা। ইয়াৰে দুগৰাকীয়ে সাহিত্য অকাডেমীৰ মূল বঁটা লাভ কৰাৰ লগতে আন দুজনে লাভ কৰিছে সাহিত্য অকাডেমীৰ যুৱ বঁটা।

অসমীয়া ভাষাৰ সন্মানীয় বাল সাহিত্য বঁটাৰে সন্মানিত কৰা হৈছে ৰথিন্দ্ৰনাথ গোস্বামীক ।  ‘পোৱালমণি আৰু চিচিংগাৰ দুসাহসিক অভিযান’ নামৰ উপন্যাসৰ বাবে এই বঁটা লাভ কৰিছে ৰথিন্দ্ৰনাথ গোস্বামীয়ে।

তদুপৰি যুৱ সাহিত্যৰ ক্ষেত্ৰত জিন্তু গীতাৰ্থক যুৱ সাহিত্য অকাডেমী বঁটা প্ৰদান কৰা হৈছে। ‘মন মৰা তৰা’ শীৰ্ষক গল্প সংকলনৰ বাবে জিন্তু গীতাৰ্থই লাভ কৰিছে সাহিত্য অকাডেমীৰ যুৱ বঁটা।

আনহাতে, বড়ো ভাষাত যুৱ সাহিত্য অকাডেমী বঁটা প্ৰদান কৰা হৈছে মাইনাওসৰী দৈমাৰীক। 

প্ৰতিমা নন্দি নাৰ্জাৰীয়ে বড়ো ভাষাৰ শিশু সাহিত্যলৈ আগবঢ়োৱা অনবদ্য অৱদানৰ বাবেবাল সাহিত্য অকাডেমী বঁটা লাভ কৰিছে।