কলিয়াবৰৰ চাৰি নং বৰঘূলিত প্ৰেমৰ চলনাৰে যুৱতীক বলাৎকাৰ, গ্ৰেপ্তাৰ চাৰি বলাৎকাৰী
কলিয়াবৰ মহকুমাৰ চুলুং আৰক্ষী চকীৰ অন্তৰ্গত চাৰি নং বৰঘূলিত মঙ্গলবাৰে নিশা এগৰাকী যুৱতীক ধৰ্ষণ কৰি গ্ৰেপ্তাৰ হ’ল প্ৰেমিক ইক্ৰামূল হক(২২) সহ তিনিজন সহযোগী।
ঘটনাৰ বিবৰণী মতে,ছমাহ পূৰ্বে কলিয়াবৰ থানাৰ অন্তৰ্গত দলগাঁও বামুনভেটি গাঁৱৰ পিতৃহাৰা ২০বছৰীয়া যুৱতীগৰাকীৰ সৈতে ম’বাইলত পৰিচয় হোৱা ৩নং বৰঘূলিৰ ইক্ৰামূল হকৰ প্ৰেমৰ সম্পৰ্ক গঢ় লয়৷
অসৎ অভিসন্ধি মনত পুহি ৰখা ইক্ৰামূলে যোৱা নিশা প্ৰেমিকাক বৰঘূলিলৈ মাতি পঠায়।
প্ৰেমিক ইক্ৰামূলে তিনিজন সহযোগীৰ দ্বাৰা এখন অ’ট টেম্পুৰে প্ৰেমিকাগৰাকীক ৩ নং বৰঘুলিৰ আত্মীয়ৰ ঘৰলৈ লৈ আনে৷
আত্মীয়ৰ ঘৰত বহু সময় ধৰি কথোপকথন হোৱাৰ পিছত নিশা প্ৰায় ১১-৩০ বজাত বাৰীৰ পিছফাললৈ নি পথাৰৰ মাজত ইক্ৰামূলে তিনিজন বন্ধুৰ সৈতে উপৰ্যুপৰি প্ৰেমিকাগৰাকীক ধৰ্ষণ কৰি ঘটনাস্থলীৰ পৰা পলায়ন কৰে ৷
ইয়াৰ পিছতে ধৰ্ষিতা গৰাকীৰ চিঞৰ বাখৰ শুনি ঘটনাস্থলীত দাঁতি কাষৰীয়া অঞ্চলৰ লোক উপস্থিত হৈ যুৱতী গৰাকীক উদ্ধাৰ কৰি আৰক্ষীক খবৰ দিয়ে ৷
পৰিয়ালৰ লোকে কলিয়াবৰ আৰক্ষী থানাত অভিযোগ উত্থাপন কৰি এজাহাৰ দাখিল কৰে।
আৰক্ষীয়ে ইতিমধ্যে অভিযান আৰম্ভ কৰি উক্ত গৰ্হিত কাৰ্যত জড়িত প্ৰতাৰক প্ৰেমিক ইক্ৰামূল হক সহ তিনি সহযোগী ক্ৰমে মাইনুল হক,ইজাজুল ইচলাম আৰু চুৰজ আলিক গ্ৰেপ্তাৰ কৰিছে ৷
You may also like
ৰাষ্ট্ৰীয় সন্মানেৰে সন্ত্ৰাসবাদীক শেষ বিদায়; পাকিস্তানী সেনা-প্ৰশাসনৰ উপস্থিতিক লৈ তীব্ৰ প্ৰতিক্ৰিয়া ভাৰতৰ
যোৱা ৭ মে’ত ‘অপাৰেচন সিন্দুৰ’ত ভাৰতীয় সশস্ত্ৰ বাহিনীৰ লক্ষ্যভিত্তিক আক্ৰমণত ১০০ৰো অধিক উগ্ৰপন্থী নিহত হোৱাৰ পিছত পাকিস্তানত তেওঁলোকৰ অন্ত্যেষ্টিক্ৰিয়াৰ ছবি আৰু ভিডিঅ’…
ইংলেণ্ডত তৃতীয় তাৰকা যুক্ত হোটেলত বাহৰ পাতিছে পাকিস্তান ক্ৰিকেট দলে; ছ’চিয়েল মিডিয়াত ট্ৰ’ল
ক’ৰ’নাৰ সংক্ৰমণৰ সময়তে ইংলেণ্ডৰ সৈতে ক্ৰিকেট শৃংখলাত অংশগ্ৰহণৰ বাবে ইংলেণ্ডত উপস্থিত হোৱা পাকিস্তান ক্ৰিকেট দলটোৱে ‘তৃতীয় তাৰকা যুক্ত হোটেলত’ বাহৰ পাতিছে। তৃতীয়…
বানাক্ৰান্তক সহায়ৰ হাত গোৱালপাৰা সৈনিক স্কুলৰ প্ৰাক্তন ছাত্ৰৰ
গোৱালপাৰা জিলাৰ দলগোমা অঞ্চলৰ বানাক্ৰান্ত লোকক সহায়ৰ বাবে আগবাঢ়ি আহিল গোৱালপাৰা সৈনিক স্কুলৰ প্ৰাক্তন ছাত্ৰসকল। দলগোমাৰ কেইবাখনো বিদ্যালয়ত বিগত ১৫ দিন ধৰি কেইবা শতাধিক বানাক্ৰান্তই আশ্ৰয় লৈ…
ছচিয়েল মিডিয়াত আপত্তিজনক প’ষ্ট কৰিলে ৫বছৰৰ জেইল! কেৰালাৰ নতুন আইনক লৈ বিতৰ্ক
তীব্ৰ বিৰোধিতাৰ মাজতে কেৰালাৰ বিতৰ্কিত আৰক্ষী আইনৰ সংশোধনী অধ্যাদেশত ৰাজ্যপালে স্বাক্ষৰ কৰে। নতুন অধ্যাদেশৰ ফলত এই আইন অধিক কঠোৰ হৈ পৰিল। এতিয়া…