গুৱাহাটীৰ বশিষ্ঠ অঞ্চলৰ পৰা সন্ধানহীন চাৰিগৰাকী স্কুলীয়া ছাত্ৰী, কি ঘটিছিল?
গুৱাহাটীৰ বশিষ্ঠ অঞ্চলৰ চাৰিগৰাকী স্কুলীয়া ছাত্ৰী সন্ধানহীন হোৱা বুলি জানিব পৰা গৈছে। এই ঘটনাই স্থানীয় বাসিন্দা আৰু কৰ্তৃপক্ষৰ মাজতো উদ্বেগ সৃষ্টি হৈছে। ছোৱালীকেইজনীয়ে বিদ্যালয় ছুটীৰ পাছত ঘৰলৈ উভতি নহাত পৰিয়ালে দাখিল কৰা অভিযোগৰ ভিত্তিত তদন্ত আৰম্ভ কৰিছে আৰক্ষীয়ে।
খবৰ অনুসৰি, বেলতলা মাঝিপাৰা মধ্য ইংৰাজী বিদ্যালয়ৰ আটাইকেইগৰাকী ছাত্ৰীয়ে সোমবাৰে (১ জুন) পুৱা বেহাৰবাৰীত থকা ঘৰৰ পৰা স্কুললৈ ওলাই আহিছিল। তেওঁলোকে ৰুটিন অনুসৰি পুৱা প্ৰায় ৮ বজাত স্কুললৈ গৈছিল।
সন্ধিয়ালৈকে ছোৱালীকেইজনী ঘৰলৈ উভতি নহাত চিন্তিত হৈ পৰে পৰিয়াল। উদ্বেগ বাঢ়ি অহাৰ লগে লগে পৰিয়ালৰ সদস্যসকলে তেওঁলোকক বিচাৰিবলৈ আৰম্ভ কৰে যদিও তেওঁলোকৰ সন্ধান বিচাৰি উলিয়াব নোৱাৰিলে।
সন্ধানহীন হোৱা ছাত্ৰী কেইগৰাকী হৈছে নিৰুপাই ৰায়, আয়ুশ্ৰী সিং, জিলমিল দৈমাৰী আৰু ৰুমী বৰুৱা।
ছোৱালীকেইজনীক বিচাৰি উলিওৱাত ব্যৰ্থ হোৱাৰ পিছত তেওঁলোকৰ পিতৃ-মাতৃয়ে বশিষ্ঠ থানাৰ কাষ চাপি আনুষ্ঠানিক অভিযোগ দাখিল কৰে। ইয়াৰ পিছতে আৰক্ষীয়ে তালাচী অভিযান আৰম্ভ কৰে আৰু নিৰুদ্দেশৰ পৰিস্থিতিৰ পৰীক্ষা-নিৰীক্ষা আৰম্ভ কৰিছে।
চাৰিওগৰাকী ছোৱালীয়ে একেখন বিদ্যালয়তে পঢ়িছিল আৰু একেদিনাই সন্ধানহীন হোৱাৰ বাবে এই ঘটনাটোৱে স্থানীয় অঞ্চলটোত যথেষ্ট আলোড়ৰ সৃষ্টি কৰিছে। বৰ্তমান তদন্তকাৰীয়ে একাধিক সম্ভাৱনাৰ দিশৰ অনুসন্ধান কৰি আছে আৰু ছাত্ৰীকেইগৰাকীক বিচাৰি উলিওৱাৰ প্ৰচেষ্টা অব্যাহত আছে।